Victor,
   Io detecta tonos de despero in vostre parolas, e io
vole exprimer mi empathia pro le sentimentos vos ha super
vostre situation. Io spera que con le election que le
populos russe va eliger un bon presidente e non lassa
vostre despero tornar te a nove Hitlers como Zherinovski.
Vos non pote haber pace in le mundo si on lassa homines
divider vos per le odio pro le un le altere o pro
extranieros.

   Io non es tanto preste de criticar le russos in
lor politica con le Tchetchnia pro que io crede que vos
ha ration a un certe grado que il ha fortias in le
sud de vostre pais e foras illo infra le populos
islamic que es militante in le opposition al cultura
de non solmente le Occidente mais de Russia e altere
regiones. Quando on combina le religion con le
politica, il semper produce conflicto e guerra.  Io
crede que il ha multe pacific moslemes  que es preste
de tolerar alteros, mais il ha troppo forte de un
tradition infra le moslemes que on debe disseminar le
fide con le spada (o hodie le bomba), que on non es
certe qual attitude va prevaler.  Si le religion de
islam non pote inhibir su filios de evitar le
sequestration, le assassinato, le mutilation de
pueras, durante que illes disseminar lor fide,
io non crede que aquello es un ver religion, mais un
excusa pro mal actiones.  On debe equalmente recognosce
que le moslemes desde le Europeos ha avantiate
technologicamente, economicamente ultra illes,
senti multo humiliate e desperate per isto,specialmente
quando illes crede que illes vive per le ver fide,
e olim esseva le cultura superior.

Ora con respecto al critica de Russia de nostre
Presidente e Secretaria de Stato pro su actiones in
Tchetchnia, io personalmente crede que illo non es
totalmente opposite al actiones de vostre leaders.
In prosequer un certe politica in affaires estranier
le Statos Unite vole avantiar le ideas que governamentos
debe appoiar tote lor populos, e tractar les
humanmente, e secundo le leges juste, con ver
representation del populos.  Nostre parolas debe
esser contra le actiones de vostre governamento
verso un region in su bordos. Mais nos non face
alcun actiones altere que isto pro menaciar vos.
Nos non ammassa armeas a vostre bordos con le
intention de invader.  Nos non mencacia a inviar
missiles a vostre pais. Le negotios continua como
semper. Rememora que le mesme elementos del
populos de islam que menacia Russia, menacia
le Statos Unite.  In Iran nos es le diabolo.
E il ha essayos a bomba nostre edificios grande
in Nove York e altere paises.  Mais nostre reaction
non es plus grande que le mesura del actiones
contra nos. Nos ancora spera que il ha cititanos
del statos islamic que vole le pace, e nos vole
distinguer inter illes e le elementos minoritari
inter illes que vole le hostilitate e guerra.

Nos non es contra Islam, in tanto que isto es
un religion que appella al melior natura del
homine.  Nos adjuta le Albanianos in Kosovo,
que es moslems (mais ethnicamente plus europee),
e in Bosnia, proque nos non tolera un dictator
que usa le odio a divider su populos pro
melior su proprie position politicamente. E
nos poteva mesmo tolerar un tal dictator si
ille non proseque un politica del elimination
de un populo, un genocidio, o le fortiate
migration de lor casas a causa de lor religion
o racia.  Le populos de Yugoslovia ha essite
mal gerite per lor governamento sub Milosovich.
Illes habeva progressate per fabricar e vender
benes a Europa e le Statos Unite.  Io comprava
calceos fabricate in Yugoslavia solmente dece
annos retro.  On videva le autos Yugo - non
un auto superior, mais un auto economic aqui
in nostre stratas.  Ora, que ha le yugoslavianos?
Lor pais ha essite destruite, lor regiones ha
rebellate se contra lor governamento serbian,
proque illo non serviva les, mais attaccava
les. Il ha milliones de minas in lor campos.
Lor pontes ha essite destruite. Le hiberno
va esser multo frigide pro illes.

Con respecto a Arkan, non ha lacrimas pro
su morte; ille ha essite le agente de morte
pro centos de gentes.  On dice que ille
cognosceva su assassinos.  Un theoria es
que ille cognosce troppo que esseva
periculose a Milosovich.  O ille esseva un
menacia a un gruppo rival.

Nostre nation non es contra le serbos.
Nos es contra lor gerentes que menacia
lor vicinos per fortiar lor minoritates
a fugir per le milles a lor vicinos.
Isto menacia le pace e stabilitate de
tote le paises circa Serbia.

E nos rememora Hitler e le facto que necuno
ha agite a opponer le quando ille esseva
debile.

Sia de bon sperantia!  E votar pro homines
juste e tolerante a representar vos e
gerer vos.

Stan Mulaik