>Holla!
>
>Recognoce que Interlingua es un optime lingua pro
>communication inter gente que parla linguas latino
>(e ingles, naturalmente).  Nonobstante, gente que
>parla linguas de altere origine forsan apprender lo
>difficilmente.
>
>Forsan, un "interlingua" poter derivate ex linguas Slavic,
>e poter derivate ex linguas Sankritic, Asiatic (non!), etc etc.
>
>De accordo, tante linguas defaite le objecto de
>linguas auxiliary; nonobstante Interlingua es plus facile
>solmente pro gente latino.
>
>Solmente in mi opinion.  Io ancora pense que Interlingua
>es le plus bon lingua.
>
>Rob

Interlingua non es pro tote le mundo o pro tote situationes
de communication international.  Illo certemente non es
apte pro communication inter chinese e japonese al nivello
quotidian.  Como Dr. Alexander Gode, qui guidava le
recerca de IALA diceva, interlingua non esseva create pro
solver le problema de communicationes de tote le mundo.
Illo es le registration del elementos international in le
linguas que mesmo hodie es le plus influential in le
affaires international, anglese, francese, italiano, espaniol/
portugese, germano, e russo.  Isto es un phenomeno
objective e real - le parola international.  E interlingua
es solmente un standardization de illo.  Qualcunque usos
pro illo va sequer le situationes in que illo es plus apte -
inter le populos de origine europee e le populos qui parla
lor linguas.  Io debe notar additionalmente que le lista
de linguas selectionate pro constatar le parolas international
esseva selectionate solmente proque illos es centros de
absorption de parolas de altere linguas e centros de radiation
de parolas a altere linguas.  Un plus grande collection de
linguas cercate inter le linguas europee possibilemente non
haberea trovate alque differente e possibilemente haberea
create alcun problemas in constatar clarmente solutiones
objective, proque multe parolas germanic o slavic haberea
entrate le lingua international al latere de parolas de
origine latin, in altere parolas troppo de synonymos diverse.
Mais iste parolas non esserea tanto international como aquellos
de origine romance.

Stan Mulaik