Le sequente es alcun notitias del Parlamento Europee:

20 julio 2000

Successo de Parlamento in etiquettar le bove e le lacte in le scholas.

Ministeros de agricultura del UE ha accordate se con le Parlamento
Europee que un requirimento a declarar le categoria de animal super
le etiquettas de carne debe esser eliminate de planos pro introducer
regulas del etiquettization de bove in le UE. Europarlamentarios habeva
proponite iste cambio al nove regulation antea in iste mense a causa
del costo extra que isto haberea imponite super fermeros e le industria
de carne.  Le accordo de ministeros del UE al emendamento a lor reunion
le 17 julio aperi le via pro le introduction del regulas obligatori
del etiquettization de bove post 1 semptembre 2000.

(Le sito in le web del Commission Europee ha un summario del nove
regulas del etiquettization, con un calendario e le base legal).

Ministeros del UE equalmente acceptava le appello del Parlamento
Europee pro le UE a assumer 75% del costos del fundo pro lacte in le
scholas que adjuta a provider lacte minus car pro infantes in schola
per tote de Europa.  Le Commission Europee habeva initialmente proponite
que le contribution del UE debe esser reducite a 50%.

7 julio 2000

Europarlamentarios demanda un nove lege del Parlamento Europee a includer
inspectiones del ambiente de major sitos industrial in loco de un
recommendation non obligatori como proponite per le Commission Europee
e appoiate per le Consilio de Ministeros.  Le proposition ha como su objecto
a constatar criterios minimal pro regulas de inspectiones in le statos
membros mais europarlamentarios time que un recommendation non va
complir melior application de leges super le ambiente.  Proque le
Commission continue opponer le demanda pro legislation obligatori, il
es probabile que le topico va requirer additional negotiationes inter
governamentos UE e europarlamentarios sub lo que es cognoscite como
'consiliation'.  Un proposition separate a includer valores de limites
pro benzina e monoxydo de carbon in aere ambiente esseva approbate per
Parlamento a un secunde lectura.

Prohibition de un joculo plastic pro infantes.

Le Parlamento Europee ha appellate pro un prohibition del uso de certe
phtalatos in joculos, un substantia chimic usate a mollificar le anellos
de dentation pro infantes e altere joculos plastic, a esser extendite a
tote le phtalatos.  Votante a prime lectura super un proposition del
Commission intendite a adressar anxietates super periculos de sanitate,
europarlamentarios vole tamben un prohibition del uso de fragrantias
in joculos plastic e melior etiquettization de joculos facite del molle
chlorido de polyvinyl intendite pro infantes.  Le redacte legislation
ora va esser considerate per ministeros del UE ante retornar se al
Parlamento pro un secunde lectura.

Europarlamentarios appella pro action super le immigration a causa del
tragedia a Dover

Le Parlamento Europee ha exprimite su choc e consternation al mortes
de 58 gentes discoperite in un camion a Dover le 19 de junio in un
resolution que equalmente urge le governamentos del UE a facer action a
regular le migration e a combattar le commercio mal in esseres human.
Le Parlamento tamben vole action contra empleatos que emplea immigrantes
illegal e mesuras a meliorar le integration de immigrantes legal.

Appello super le Accumulation del Movimentos Aeree

Con retardation de movimentos aeree trans Europa a nivellos historic,
europarlamentarios ha appellate a Ministeros del UE a ager decisivemente
in tractar le accumulation de movimentos aeree.  Le resolution de
Parlamento appella pro le creation de un "sol celo" pro provider le
uso optime del spatio aeree de Europa.  Europarlamentarios vole un
melior arrangiamento pro passageros qui suffre le retardos,
renovation del infrastructura technic e un revista urgente del uso
de spatio aeree militar.

Europarlamentarios appella a governanmentos a indurar lor tractamento de
hooligans de football.

Como consequentia del problemas del hooliganismo de football a Euro 2000,
europarlamentarios ha adoptate un resolution que appella a governamentos
europee a prender mesuras sufficiente preventive in futuro a prevenir le
hooligans qui jam ha essite involvite in tumultos de football de viagiar
al extraneero.  Le resolution tamben appella al governamento brittanic
a considerar le assumption del costo de transportar hooligans anglese
retro a Anglaterra in aeroplanos belge.