Car amicos,
io pensava que vos, specialmente nostre amicos non-american, trovarea
le sequente articulo de CNN de interesse. Pro me il es multo interessante
proque io sape que in altere paises le precio de gasolina es
bastante plus alte que in le USA, tamen nos americanos sempre
vole plus gasolina a precios plus reducite! Bon lectura!
>Le augmentation del precio de gasolina deveni quasi immobilisate
27 Martio 2000
LOS ANGELES (CNN) - Durante le septimanas passate le augmentation
del precio de gasolina ha devinite quasi immobilisate secundo un sondage
national.
Le precio medie de un gallon de gasolina regular de auto-servicio ha vidite
un augmentation durante le due septimanas passate de solo medie cento,
lo que resulta in un precio de US$1,55, diceva Trilby Lundberg, cuje Lundberg
Survey studia plus que 10.000 stationes de gasolina in le USA. Le precio
medie al detalio de omne grados de gasolina esseva circa US$1,59/gallon.
Le sondage se realisava le 24 de martio e esseva publicate dominica.
Lundberg diceva que le reduction parve del precio de petroleo
esseva quasi annullate a causa del parve augmentation del demanda
de gasolina causate per le augmentation de temperaturas.
Le precio del gasolina se reduceva in un tertio del citates del pais,
nonobstante il se augmentava in le mitate de illos. In altere citates le precio
no cambiava.
"Il se tracta de precios vermente mixte", diceva Lundburg.
Le precios se reduceva principalmente in le region central del pais
e le augmentationes se realisava in le west.
Le automobilistas in Wichita, Kansas, gaudeva del melior precio
de gasolina que esseva US$1,38/gallon de regular de auto-servicio. In
San Francisco, de altere parte, le automobilistas debeva expender
plus moneta proque illac le precio medie esseva US$1,90/gallon.
Le leader del majoritate del Senato american, Trent Lott
(republicano de Mississippi), diceva dominica que le Congresso
debe "considerar" suspender le imposto de gasolina federal de
4,3 centos/gallon approbate in 1993 durante usque a nove menses
pro alleviar le impacto del augmentationes recente del
precio de gasolina.
"Nos debe votar super iste question, a minus que OPEC
prende un action dramatic," ille diceva.
Le representantes del cartel de petroleo se reuni durante le
weekend in Viena e aperira un reunion pro establir
nove quotas de production.
Lott diceva que si le precios medie de gasolina excedera $US2/gallon
nationalmente, ille agera pro eliminar le imposto de gasolina federal.<
|
