Car amicos,

Eric, un de mi filios, es le possessor de un typo special de bicycletta,
que in nederlandese ha le nomine LIGFIETS. Ille ha un sito extense in plure
linguas que es dedicate totalmente a illo:
http://home.wxs.nl/~ecleij/plaza.html

Su interesse es non solmente technic e sportive ma anque linguistic. Ille
face un collection del nomines de iste bicyclettas in un crescente numero
de linguas. Nunc ille habeva le idea que forsan su patre qui ha tante
relationes international, poterea adjutar le. E io ha consentite a
transmitter su question a vos, le membros del lista INTERLNG: qui pote
extender su lista de nomines del "ligfietsen"?

Eric ha jam un serie de nomines que es currente in diverse paises:

Francia: velo couche aerodynamique
              Bicyclette a pedalage horizontal
Regno Unite: recumbent bike
Germania: Liegerad
Finlandia: nojapyorat
Suissa: Liegevelo
Norveg(i)a: liggesykler
Nederland: ligfiets
Espania: bicicleta reclinada
Svedia: liggcyklar
Danmark: liggecykelraes
Russia: ?
Grecia: ?
Etc., etc.

Anque pro nos, interlinguistas, le thema es interessante. Que poterea esser
le termino in interlingua?


Salutes amical de Piet



http://www.homepages.hetnet.nl/~interlingua/frame/index.htm