----- Original Message -----
From: "Esteban Avey" <[log in to unmask]>
To: <[log in to unmask]>
Sent: Thursday, April 05, 2001 7:18 PM
Subject: Febre aftose


> Car amicos/amicas de Europa
>
> Io es curiose si le situation re le febre aftose e le
> maladia de vacca folle ha modificate multo le habitos de
> mangiar del major parte del europeos. Hic in le Statos
> Unite nos recipe notitias super le consequentias economic
> de iste maladias pro Europa, ma io realmente ha legite o
> audite multo pauc super lo que le citatanos europee pensa
> del situation e si illes ha cambiate lor habitos de
> mangiar. An illes time mangiar le carne? An illes consume
> nunc plus vegetales e minus carne? Io face iste question
> perque io sape que io pote reciper information directe de
> altere interlinguistas que vive in Europa. Gratias pro
> vostre historias.
>
> Amicalmente,
> Esteban
>
    Car Esteban,
    Hodie in Italia a causa del morbo del vacca folle le situation es multo
difficile, sinon dramatic. Nos ha habite solmente un decena de casos de
vacca folle verificate, super toto in mi provincia; in le plana lombarde il
ha le major elevamentos de vaccas e bestial de Italia. Ma iste casos ha
cargate le population de terror. Le consumo de carne de vacca ha cadite al
minus de 80% in un mense. Necun persona ha essite colpate per le morbo
de Creutzfeld-Jacobs! Sed isto non suffice pro calmar le gente.
    Naturalmente le effectos collateral ha essite plure: cadite del mercato,
collapso del precios, crise in le sector bovin, in le formage, in le
transporto del
bestial, in le ferias agricole e bovin, ora jam abandonate. Le protestas del
elevatores de vaccas ha essite vehemente contra le abattimento del bestial
con bloccos stratal in varie zonas de mi pais e demonstationes in Roma : un
camion de stercore bovin ha essite discargate ante al residentia
presidential!.
    Le ministerio del sanitate ha emanate normas precise super le consumo
del carne bovin. Il ha essite bannite le medulla, le tripa, le intestinos,
le vertebras e le portion de carne adherite al osso. Assi le famose
beefsteak florentin: le "fiorentina" ha essite retirate usque a 2002 in tote
le restaurantes, con grave contrarietate per le consumitores.
    Securmente il ha habite un remarcabile mutation re le consumo de carne.
In le restaurantes, in le refectorios scholastic e del firmas le carne de
vacca e de bovello ha disparite.
    Hodie le italianos mangia super toto carne de pullo, gallo de india,
conilio, cavallo, porco e in le actual periodo paschal il ha le consumo de
caprettos e agnos. Le pisce non es sovente consumite a causa de su precio
elevate e pro rationes de uso religiose que lo face consumar solmente in le
die de venerdi e le carne de struthio ancora non ha un grande mercato.
    Io e mi familia son alicun annos qui mangia solmente carne equin, etsi
il non me place multo le carne cocte in general. Io lo trova de un gusto
troppo dulce, io prefere le carne crude como le salami, le jambon, le
mortadella, etc. in summa tote le charcuterie sia de porco que de cavallo.
    Le ministro del sanitate ha declarate que le maladia del vacca folle
sera vincite in duo annos, nos va sperar lo, ma isto ha essite pro nos totes
un lection importante re nostre costumes alimentari e le question re un
developpamento futur del elevamento de carne nutriente e san e le derecto
del gente de riscar al minus su sanitate!

    Follemente voste!

    Luca Ghitti