Si, André Martinet esseva non solo un linguistico eminente - forsan le
linguistico francophone le plus famose del seculo passate - mais alsi un
figure-clave in le historia de interlingua. Le sito jubilari a

http://www.interlingua.dk/2001.htm

contine un interview interessantissime con ille.

Facto es, que Martinet e Alexander Gode habeva ideas proxime mais non
identic sur le forma ultime del interlingua. Post le publication de
interlingua in 1951 Martinet criticava alcun tractos de illo como troppo
latinesc e troppo irregular. Multe annos plus tarde, a un conferentia
esperantista, ille diceva que ille prefereva le occidental/interlingue de
Edgar de Wahl a le version de Gode. Nonobstante, verso le fin de su vita,
ille pareva cambiar su opinion, como on vide in le interview. Ille opinava
que le version moderne de interlingua usate in Panorma esseva multo proxime
a su ideas original. E dunque ille acceptava le offerta devenir Associato
Distinguite del UMI, lo que naturalmente facite multo honor pro interlingua.

Chris