d[010719] x[Kiviaho Allan] z[KivA-17Imn]
s[Republica Moldova!]
[log in to unmask]
[log in to unmask]
[log in to unmask] (Jeszszensky Ferenc)
---------------------------------------------------------------
De Castro Ramiro 010718: ... le populo del nove nation de
lingua romanic in le ex-Union Sovietic es MOLDAVIA, e non
Moldova. "Moldova" ... es un scriptura russificate
(o sovietisate) de iste ancian ex-provincia
romanian - Bessarabia.
--------------------------------------------------------x------
Car Ramiro!
Tu erra, io pensa. "Moldova" ha 'semper' essite
"Moldova" in romaniano, "Moldavia" es le forma russe
(actualmente "Moldaviya" in cyrillitza).
Le "ver" Moldova es le Principato de Moldova, cuje
capital es Ias,i (pronunciate Iasz) e que formava AD
1859 con le Principato de Valachia (que es isto in
romaniano?) le "Principato Unite de Romania", plus
latere le Regno de Romania.
Le Principato de Moldova era fundate un vice inter AD
1350-1361. Moldova habeva un historia brillante e illo
faceva guerras victoriose contra Hungaria, Polonia,
Turchia e mesmo contra le Ordine Teutonic ante le
magnificente fortalessa de Malbork (Marienburg)
presso Gdansk. Le conferentia jubilari del UMI face
un excursion a Malbork le 2001-08-03!
Le previe conferentia del UMI habeva loco AD 1999 in
Focsani, Moldova!
Solmente AD 1513 Moldova deveniva un vasallo de
Turchia ("le prime capitulation") con soveranitate
considerabile. Moldova era un comparativemente
rebelliose subjecto de Turchia e finalmente le turcos
lassava le principato sub governamento de grecos
("le fanariotes"). Le regime del fanariotes era multo
corrupte e suppressive in Moldova e Valachia.
Le guerra de liberation de grecos contra Turchia
comenciava in Moldova conducte per Alexander Ypsilanti
AD 1821. Le turcos seligeva de novo un moldovano,
Johann Sturdza, como prince de Moldova. Su reformas
era inhibite per le russos qui finalmente, le
1828-04-28 attaccava Turchia. Le armea russe capturava
le fortalessa de Edirne le 1829-08-20 e le pace era
signate le 1829-14. Le armea russe era conducte desde
1829-02-14 per marechal, conte Diebicz qui conduceva
etiam le truppos russe que luctava contra le
insurrection polonese in 1831 sed moriva de cholera.
Ille era successite per marechal Paszkevicz qui
deveniva infamose etiam in 1849 quando ille conduceva
un armea russe que invadeva Hungaria e subjugava lo in
su guerra de liberation contra Austria.
Le armea russe assi liberava Grecia sed subjugava
Polonia e Hungaria. Le guerra de liberation de Grecia
deveniva famose i.a. per Lord Byron.
Moldova era post 1829 practicamente sub regime de
Russia e illes robava lo quasi como le fanariotes
previemente, que conduceva a revolution in 1848. Le
armea russe occupava de novo Moldova e le armea
turc Valachia. Le nove prince de Moldova, Gregor
Ghika, era melior quam su predecessores. AD 1853
comenciava le guerra de Crimea (Francia, Anglaterra,
Turchia e Sardinia contra Russia - un escuadra
anglese devastava etiam le costas de Finlandia,
occupava le Aalandia e bombardava
Suomenlinna/Sveaborg, le grande fortalessa marin de
Helsinki). Le armea russe occupava Moldova sed in
1854-7 Moldova era occupate per Austria. Post le pace
de Paris AD 1856 Moldova era finalmente libere e
formava con Valachia le principato de Romania.
==================
Moldova/Bessarabia
==================
Supra io ha scripte super le Moldova proprie sed tu,
Ramiro, scribeva super Bessarabia, nunc le Republica
de Moldova.
Bessarabia era habitate per scythianos, sarmatianos,
getas, dacianos, gothos, hunnos, avaros, hungarianos
etc. In the 7e seculo le tribos slave arrivava a
Bessarabia e le Russia de Kiev occupava le region ab
9e a 13e seculo. Post le invasion de mongoles
Bessarabia veniva sub controlo del Principato de
Moldova. Le nomine "Bessarabia" era derivate ex le
dynastia Bassarab que regeva in Moldova. Inter le
15e e 16e seculos Bessarabia veniva sub Turchia. In
1812 Bessarabia era capturate per Russia. Post que
Russia habeva perdite in le Guerra Crimean
Bessarabia del sud restava sub controlo de Turchia
e Bessarabia del nord sub Moldova.
AD 1878 Russia occupava tote le Bessarabia. In 1918
Romania conquereva Bessarabia sed illo era occupate
de novo per le Union Sovietic 1940, per Romania
in 1941-44 e de novo per le Union Sovietic 1944-1991.
---------------------------------------------------------------
Ramiro: "Moldova" ... es un scriptura russificate
(o sovietisate) de iste ancian ex-provincia
romanian - Bessarabia.
------------------------------------------------------x--------
Le nomine official in russo era "Moldavskaya
Sovetskaya Sotzialisticzeskaya Respublika". Assi non
"MoldOvskaya" sed "MoldAvskaya". Interessantemente in
un grande dictionario sovietic on scribe solmente:
Moldavane = moldavano
Moldavskaya literatura = Literatura moldavian
Moldavskiķ jazyk = moldaviano (lingua)
On NON scribeva
Moldaviya = Moldavia,
obviemente proque le regime de Moskva voleva accentuar
que non existeva Moldavia, sed solmente "Moldavskaya
Sovetskaya Sotzialisticzeskaya Respublika" como un
parte integrate del Union Sovietic. Sed io crede que
un russo commun diceva "Moldaviya" - al minus post le
morte de Iossif Vissarionovicz Stalin ...
---------------------------------------------------------------
Ramiro: ... le populo del nove nation de lingua romanic in le
ex-Union Sovietic es MOLDAVIA, e non Moldova.
------------------------------------------------------x--------
Non, le nomine official (probabilemente etiam in
Brasil) es Republica de MOLDOVA.
Iste region (capital Chisinau) ha essite sub Moldova
proprie (capital Ias,i) ca. 1350-1600, sub Romania
1856-78, 1918-40 e 1941-44 e independente desde
1991.
Assi, "Moldova de Chisinau", le Republica de Moldova,
ha essite un stato independente solmente 10 annos in
tote le historia mundial ...
In 1709 Carolo XII, le rege de Svedia (e Finlandia),
trovava in Bender (Tighina in romaniano), Bessarabia,
un asylo post le battalia catastrophic de Poltava
contra le tzar Petr I de Russia. Bessarabia era tunc
sub regime de Turchia.
In le 1930s, durante le epocha de Stalin, Mark
Donskoiķ, un grande regisseur sovietic, faceva un
multo bon pelicula super fanaticos religiose que era
persecutate in Russia e qui trovava asylo in
Bessarabia turc - que appareva esser un paradiso
sur le terra - un vista de puncto incredibile in
Russia de Stalin!
- - -
Vivat Moldova libere, un pais ubi on parla
belle lingua latin!
Allan
P.S.
Vide e.g.:
http://www.moldova.md/
----------------------
Republica Moldova
Pagina oficialā
Guvernemental Intranet
of the Republic
of Moldova
Intranet Guvernemental
Al Republicii
Moldova
|
