"Oi", amicos!

Janny Antonson, un novicia svedese de Interlingua, ha sollicitate su 
disabonamento de INTERLNG pauc tempore post abonar se, a causa de sentir 
le lista como un ambiente aliquanto hostil.

Io es de accordo: Le themas del messages que le novicio comencia reciper 
post abonar se al lista de facto multe vices non es interessante o 
stimulante. Multe vices longissime discussiones tracta del mesme (e 
fatigante) thema.

Jan Årmann ha manifestate su discontentamento. Ille ha proponite tres 
punctos -- con le quales io accorda:

* que le hobbyistas termina lor tediose discussiones grammatical o move 
los a un altere foro.
* un plus positive attitude a stimular e adjutar comenciantes.
* plus autodisciplina e consideration al seriositate de nostre lingua e 
movimento.

Denis Dussart dubita que totes sapera autodisciplinar se. Ille crede que 
un moderator es necessari in INTERLNG.

In un lista moderate, le messages inviate al lista non es retransmittite 
immediatemente al abonatos. Le messages inviate al lista remane pendente 
in le servitor. Le moderator pote autorizar le transmission del messages, 
editar los ante transmitter los, o mesmo eliminar los -- si illos non se 
conforma al "statutos" del lista.

Io vide un problema in isto. Un moderator debe haber tempore libere pro 
dedicar se al travalio de moderation del lista. In caso contrari, le 
messages pendente al servitor se accumulara usque a quando le moderator 
habera opportunitate de liberar los. E, infelicemente, io non crede que il 
ha personas con le profilo necessari qui ha tempore libere sufficiente pro 
dedicar al moderation de INTERLNG.

Assi, perque un moderator non me pare un alternativa facibile pro le 
momento, io face choro con Jan e demanda que le usatores intensive de 
INTERLNG habe un attitude plus favorabile al comenciantes.

Qui es le usatores intensive? Vide le quantitate de messages inviate per 
persona desde 01/10/2001 usque a iste momento:

48 Mario Malaguti
34 Kjell Rehnström
30 Stan Mulaik
17 Alberto Mardegan
15 Ensjo
14 Jay Bowks
12 Jan Årmann
11 Cristian Dumitrescu
10 Peter Kleiweg
 9 Horacio Martinez
 6 Ado Hall
 6 Rodrigo
 5 Allan Kiviaho
 4 Paul Barlett
 3 Piet Cleij
 2 Bent Andersen
 2 Denis Dussart
 2 Julio Dobkin
 2 Luca Ghitti
 1 Erik Enfors
 1 Martijn Dekker
 1 Thomas Breinstrup

Vamos facer de INTERLNG un foro utile pro le apprentissage de Interlingua. 
Totevia, isto non significa transformar INTERLNG in un foro purmente 
didactic. Qualcunque thema pote esser portate a discussion in INTERLNG, a 
condition que le thema pote interessar le majoritate (o al minus un grande 
parte) del abonatos.

Si iste suave admonestation non producera effecto... Io potera adoptar 
alcun mesuras indesirabile como, p.ex., limitar le volumine de messages 
que cata abonato pote inviar per die. O mesmo moderar le lista io mesme. 
:^6


A revider,
Ensjo.