Angelo e Mario face un sponsion con un moneta, cuje facies io va
appellar T e C (in italiano, nos appella "testa" e "croce" [="cruce"] le
duo facies de un moneta).
Le sponsion es le sequente: on considerara un sequentia de lanceamentos
del moneta, que nos rappresentara con un sequentia de T e C. Per
exemplo, le sequentia CTCCT corresponde a cinque lanceamentos del
moneta: cruce, testa, cruce, cruce, testa.
Mario sponde que, in le sequentia del lanceamentos que illes va executar,
le sequentia TTC accidera antea, dum Angelo in vice sponde que le
sequentia que evenira antea essera TCC.
Quando un del duo sequentia habera evenite, le lanceamentos obviemente
terminara.
Exemplo:
Si le sequentia es CTCTCC, le vincente es Angelo.
                      ^^^

Si le sequentia es TCTTC, le vincente es Mario.
                     ^^^

Comprendite?
Ora, le demanda es: an ambe le jocatores ha le mesme probabilitate de
ganiar?

--
Saluti,
    Mardy
http://www.interlingua.com