In le articulo in The Economist que Allan
citava on notava que un del disavantages del
stato de anglese como lingua international es
le discomforto que le angleses ipse pote
sentir.

A mi aviso isto es un experientia al qual
parlatores de cata lingua ethnic debe
accomodar se, in vista que il ha in cata pais
un grande numero de personas qui parla le
lingua ethnic minus perfectemente, viste que
illes ha advenite como immigrantes adulte e
non va maestrar le lingua national sin accento
e errores grammatic.

On debera in cata pais apprender a acceptar
iste facto que le angleses jam ha, plus o
minus benevolentemente debite acceptar, a
saper que non-anglese usa lor lingua in un
maniera, lassa nos dicer, inattendite!

Il es possibile que iste falta del lingua a nivello
de parlar native marginalisa le non-parlatores,
e io time que isto pote menar a un situation
ubi nos non-natives consume benes in
anglese sin reciprocar, e io time que isto pote
menar a un situation ubi le paises e le politica
de lingua native anglese es le sol cognoscite
- si il non se tracta de un catastrophe!
Quando un persona in Svedia cognosce
melior le systema de scholas in Anglaterra
que in Finlandia o Norvegia, le situation es
disquietante, a mi aviso...

Cellus