Cristian,
  In mi opinion iste antagonismo contra le anglese
per interlinguanos es absurde.  Dr. Gode diceva
un vice que le ration que linguas es apprendite
es proque le individuo vole obtenir alque per
medio de illo.  Illo non es le situation del
imposition per le fortia de armas de anglese
super le resto del mundo.  Rememora que quando
le francos conquireva Gallia, illes abandonava
lor lingua germanic e apprendeva le latino del
habitantes de Gallia.  Illes voleva le cultura
que le lingua portava a illes.  Pro nos qui
parla le interlingua, le dispersion del anglese
in le mundo es le medio per le qual le vocabulario
international es disseminate a populos altere que
europeos o lor filios in le hemisphero occidental.
Io non sape si tu vide CNN in le television, mais
io reguarda lo como remarcabile que mesmo inle
plus remote parte del mundo, CNN semper pote
trovar un homine in le strata qui pote parlar le
anglese e explicar le situation al audientia.
Le anglese es le vehiculo que porta interlingua
al resto del mundo.

Stan