Scribe Luca Ghitti <[log in to unmask]>

>in iste dies io ha habite le possibilitates gratias al programma
>Cybertalkonline (mi ID es luca_ghitti), de parlar con Ingvar e Cellus.

Ecce me, le solite Mario qui comprende poco, o melio nihil.

Io ha active in le barra inferior, a su latere dextre, de mi computer, le
iconetta de Cybertalkonline, o CBtalk. Si io passa le mouse supra le
iconetta io lege "Click here to Talk".
Suffice isto a vos pro tentar de connecter vos con me?
Isto significarea que CBtalk functiona como le MSN Messengers. Il suffice
que io sia connectite e libere e, si uno vole parlar con me, ille debe
solmente inviar me un message instantanee, o invitation al connection.
Io es [log in to unmask] con user ID mariomalaguti.
Totevia io pensa que ille debe, antea, pertiner al usatores qui io ha jam
acceptate. Inter vos de iste lista: Alf, Martijn, Paolo e RodPS; iste ultime
le sol que conversava con me menses e menses retro.

Totevia con CBtalk isto non deberea sufficer. Io debe anque facer le login
con mi user ID que es clavo, completar con mi password e postea minimisar le
fenestra. Assi io habera active un secunde fenestra que precisa al passage
con le mouse: "Cyber Talk Online-clavo".
Il deberea esser solmente iste condition que permitterea vos de trovar me
connectite, nonne?

In mi buddy list ora io ha classificate cellus e luca_ghitti, totevia io
amarea un lista plus numerose e, per favor, in vostre lista classifica le
buddy clavo.

Sufficera isto? Eh! Io es clavo e pro respectar mi nomine io non es assi
secur!

Justo! Io ha anque le adresse [log in to unmask] con le user ID
mariomalaguti. Assi io aperi anque iste possibile connection e io vole vider
si io habera uno qui tenta de connecter se.
Con Yahoo! io faceva le experientia de un conversation a tres personas
connectite e illo esseva meraviliose. Totevia un sol vice menses e menses
retro.

Ha vos pavor de parlar in Interlingua? Usa le anglese e face lo slowly e
clarmente e nos potera haber comocunque successo! (si vos me dara tempore de
recordar le vocabulo apte! Totevia io inventa!)

Sed mi vetule computer sapera supportar toto isto? Uhm? Io debera facer iste
probas solmente quando io non labora.

Mario clavo, dicite ciaciara.

Belle ciaciara! Proba vos a pronunciar ciaciara! Le termino, in mi dialecto,
significa parlator excessive.



_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp