Le Museo de Scholas Danese in breve publicara su brochure public in
interlingua. Heri, lunedi, le museo aperiva un grande exposition super
le historia del inseniamento de linguas estranier in Danmark. Le
exposition anque ha un section super interlingua con libros,
dictionarios e brochures.

Le Union Danese pro Interlingua livrava in duo dies le traduction
(gratuite) del brochure official del museo, que es situate in le centro
de Copenhagen, proque le director monstrava interesse pro un tal
version. Non solmente essera le version in interlingua tosto preste pro
le publico, partes de illo anque essera citate in un libro, que le museo
prepara super le mesme thema como le exposition.

Un exemplo que action immediate da resultatos. A copiar in altere
paises, per favor!

In avantia, un serie de museos danese usa interlingua in lor brochures.

Con mi optime salutes
Thomas Breinstrup