Salute Javi!
Pro esser le prime vice que tu scribe in interlingua tu scribe benissimo. In
qual linguas pote le prime tentativo esser tante verbose? Un poco de exercitio
e tu va scriber interlingua como un nativo! :-)

> (...)
> 1. Le espaniol es un del linguas fonte de interlingua e le secunde plus
> parlate ma il non ha materiales pro apprender ia in espaniol, si nos
> compara con le material que existe in altere lingua, io ja sape que existe
> un dictionario espaniol-ia ma quando va esser publicate in papyro? Io, per
> exemplo ha facite un traduction del parolas del version in francese e
> poterea traducer omne le version francese al espaniol sed, il poterea esser
> publicate in papyro?

Tu ha controllate lo que existe in le "Servicio de libros"? A
http://www.interlingua.com il ha anque le servicio de libros.

Un proposition: Contacta un editorial commercial. Si illo pote publicar un
dictionario illo pote esser comprate in omne libreria (magazin del libros).


> 3. Il le web del UMI io crede que esserea interessante haber informationes
> etiam in esperanto perque multe interlinguista cognoscevan antea le
> esperanta e iste lingua (eo) ha essite le lingua ponte pro arrivar a
> interlingua

Personalmente io pensa que isto es mal e innecessari. Mal, proque tu in
principio attinge personas qui jam ha su opinion in le question, e le
interessatos jam nunc sape ubi cercar. Io crede que le psychologia functiona
assi. Io ipse ha occupate me con esperanto, e io non crede que io haberea
essite convincite, si un persona habeva intrate in nostre club de Esperanto in
Uppsala e informate me re interlingua. Lo que me attraheva al lingua era le
mer textos in le lingua. Nam io comprendeva toto jam del initio!

Le Servicio de Libros vende un brochura, "Kio estas interlingua" in esperanto.
Tu pote comprar isto e distribuer lo inter tu cognoscitos esperantista. Illo
contine plus o minus le mesme material como in le information general que ha
essite publicate in altere linguas, naturalmente con consideration particular
a esperanto.

Le errores non merita pardona, le correcte parolas e le comprensibilitate de
tu prime message in interlingua merita applauso e laude.

Kjell R