Vigdis Finnbogadottir, ex-presidente de Islanda, e ambassador de
goodwill de UNESCO, esseva le protector del 8-e Incontro Nordic
de Interlingua, in le village Åsa, 50 km sud de Goteborg al costa
occidental de Svedia le 24 - 28 de julio 2002.
Quaranta personas participava in le Cursos Intensive, 23 - 26, e le Incontro
Nordic, 25 - 28, le quales es arrangiate cata duo annos (in le annos inter
le
Conferentias International de UMI) per Dansk Interlingua Union, Norsk
Interlingua Union, Association Finlandese pro Ia, e Societate Svedese
pro Ia. Le svedeses es responsabile pro le organisation practic,
- usque nunc illos sempre se teneva in Svedia - e le
cursos a duo nivellos sta sub le direction de Ingvar Stenstrom pro le
novicios e de Jan Armann pro le avantiatos. Le programma del Incontro
Nordic es principalmente organisate per Thomas Breinstrup, qui iste anno
lo lanceava sub le motto "Navigation nordic - collaboration, connexion,
collaboration". Illo schizza un longe serie de projectos concrete per
le quales le organisationes nordic, in collaboration, prendera passos
pro assecurar que Interlingua essera cognoscite, apprendite e - lo plus
importante - utilisate, p.ex. in sitos web de turismo. Utilisation pre-
suppone que il ha personas qui maestra le lingua e pro isto cursos
systematic debe esser offerite al publico - non-romanophonos natural-
mente debe seriosemente s t u d i a r le lingua pro poter leger, scriber
e parlar lo.
Dece nationes esseva representate: interlinguistas e novicios ab Danmark,
Finlandia, Norvegia e Svedia e ab Anglaterra, Austria, Belgio, Francia,
Germania e le Statos Unite. Le representante de Francia esseva un
VIP (Vermente Importante Persona), le vidua de André Martinet,
Sra. Jeanne Martinet, qui participava activemente e plen de enthusiasmo
tamben in Gdansk. Illa nunc scribe articulos pro magazines de linguistica
e ha jam facite duo presentationes de I-a a congressos linguistic e va
facer ancora uno in Guadaloupe iste autumno.
In le anno 2000 nos habeva 50 lectos a nostre disposition in le
schola-internato
Löftadalens folkhögskola, e participava tamben Piet Cleij, le secretario
general de UMI con su sposa e Louise Delnoy, le administratrice de UMI,
con su sposo e Simona e Florin Sunel de Romania. Le presentia de
non-scandinvos "fortia" le participantes usar Interlingua quasi sempre.
Le evento esseva annunciate per communicatos al pressa a 83 jornales
e altere medios massive in Svedia e a 35 in Danmark. Allan Kiviaho
informava le pressa finnese e le sito de Löftadalen mentionava le cursos.
Inseniar un gruppo tanto enthusiastic e avide a apprender como mi
gruppo de novicios es un inspiration que restara longe in mi mente.
Per tal "inspirationes" on pote laborar longe, sentiente que "il vale
le pena" e tote le participantes se diceva multo contente e semblava
retornar a casa con lor "batterias ben recargate"
Lege plus de iste Incontro Nordic in le Panorama imprimite!
Vos es un abonato, nonne???
Ingvar Stenström, secr. de SSI
Vegagatan 12
S-432 36 VARBERG, Svedia
Tel. +46-/0/340-15053
[log in to unmask]
[log in to unmask]
[log in to unmask]
www.interlingua.com
www.interlingua.nu
|
