YEREVAN, Armenia—"Io ama mi patria e io es preparate
pro facer qualque travalio que es beneficial pro illo si ille
travalio non es connectite con le servicio militar."
Iste parolas esseva parlate heri per Henrik Hovnikyan
(21 annos de etate) un juvene Teste de Jehovah qui esseva
adjudicate un secunde vice pro refusar facer le servicio
militar. Le judice in le case, Mr. Gor Akopyan, commentava
in re le excellente character del juvene e su historia de
travalio immaculate, assi tamben como le referentias
de su character ab su impleator e le municipalitate, qui
le describeva como un citatano exemplar. Nonobstante,
ille sententiava le a duo e medie annos de incarceration.
Quando le judice declarava su sententia, ille admitteva que
le juvene Henrik jam habeva essite sententiate duo annos
retro pro le mesme offensa.
Le caso illustra le predicamento pro le juvene Testes de
Jehovah in Armenia. Malgrado le promissas al Concilio de
Europa pro le liberation de omne objectores de conscientia
e legislation pro servicio civil alternative, le autoritates in
le ex-republica-soviet continua un politica aggressive de
incarcerar juvene Testes de Jehovah qui refusa facer le
servicio militar. Quando iste juvenes son liberate post lor
tempore de incarceration in bon conducta o pro medio de
un amnestia general, illes son sin exception re-arrestate,
adjudicate, sententiate e incacerate per un altere vice.
In le caso de Henrik, ille esseva pardonate a causa de un
amnestia general declarate in connection con le celebration
de 1700 annos del Christianitate in Armenia. Ma tosto depois
ille esseva re-arrestate e ponite in custodia usque su secunde
judicio.
Il ha 7000 Testes de Jehovah in Armenia. In le ultime cinque
annos plus que cento de illes esseva sententiate e incarcerate
pro refusar facer le servicio militar. Multe de istes eventualmente
confrontara un secunde termino de incarceration pro continuar
refusar le servicio militar.

Numeros de Contacto  in Armenia: Telephono: + 3741 426868
English-speaking: mobile telephone: + 995 99 554-892

Commentario personal:
Mesmo Jesus declarava que su regno "non esseva parte de
iste mundo". Le governamento de Armenia impone le tradition
de homines super le voluntate de Deo e su Filio, e ignora le
parolas de ille qui fundava le ver religion christian. Jesus tamben
diceva que "Ille qui vive per le spada, morira per le spada". In iste
duo mille annos desde que ille parolas esseva dicte, illes qui
opprime su fratres e practica le persecution religiose ha parite
triumphar in le campo mundial como mal herbas qui suffoca
le frumento, ma le tempore pro le collecta es proxime e illes
trovara lor judicamento al mano del Christo resurrecte e su
angelos. E pro illes qui spera in Su promissa Jesus tamben
declarava "Felice son le pacificos proque illes essera nominate
filios de Deo". (Mattheo 5:10-12)

Sincermente,
Jay B.