--- Jacques Dehée <[log in to unmask]> wrote:
> Interlingua es un producto de un immense cooperation
> international
> de eminente linguistas durante 27 annos, supportate
> per vaste quantitates
> moneta de Vanderbilt e etiam Rockefeller, Carnegie
> etc.
> Le IALA habeva durante plure annos un equipage de
> 10-15 linguistas
> professional,empleos de horario complete.
>
> Que resulta de tote illo ?
>
> In tote Paris e in mi departamento io non pote
> rencontrar un interlinguista.
>
> In Interlng io pote communicar solmente con viperas
> como Rehnstrom,
> Malaguti, Soloviev, etc . . .
>
> Que resulta de tote illo ? e ubi va Interlingua que
> non vole evolver
> con le mundo ?

---

Multe documentation describente interlingua existe, e
on pote usar lo como on vole.  Forsan eventualmente le
Union Europee lo usara pro construer su proprie
dialecto de interlingua in un programma de publication
experimental.

Intertanto, un lingua, como le atmosphera de nostre
planeta, es le proprietate commun de omnes qui vole
usar lo, sia ben, sia mal.

Naturalmente il ha personas que usara ulle lingua de
un maniera que alteres considerarea nocive.  Ma
sovente il es impossibile facer un determination
objective que un certe uso de un lingua es nocive o
que illo es un beneficio pro le disveloppamento
general del lingua.

Io, pro exemplo, compilava "Interlingua in
interlingua" como un corpore de documentation que
permitterea que on lo reviveva mesmo si omne le altere
documentation sur interlingua disappareva.

Quando io faceva isto, io sapeva que altere
interlinguistas non esserea de accordo con diverse
characteristicas de mi version de interlingua.  Io
mesme, a causa de mi proprie studios del linguistica,
recognosce que io non pote dicer que illes ha torto.

A causa de iste circumstantia, io ha permittite que
omnes usa iste corpore de textos como illes vole.  Io
sape que alicunes forsan los usara de un maniera que
non me placerea.  Ma io sape que altere
interlinguistas--como Piet Cleij, Jay Bowkes, e Thomas
Breinstrup, e Stan Mulaik, pro exemplo--los usara de
un maniera que io nunquam volerea criticar.

Io crede que con le tempore on recognoscera le usos
serie de iste ressources, le quales, eventualmente,
prevalera sur le usos plus frivole de illos.

__________________________________________________
Do you Yahoo!?
Yahoo! Shopping - Send Flowers for Valentine's Day
http://shopping.yahoo.com