(Ensjo retransmitte message de Piet Cleij:)

Car amicos,

Si nos vole continuar le uso del lista INTERLNG pro practicar interlingua,
il es absolutemente necessari de observar le simple regulas del cortesia.
A
evitar es dunque le attaccos general, que es sovente plen de veneno
mordente e de accusationes personal, contra le convictiones religiose de
plure participantes de iste lista. Tal attaccos ha nulle senso e non
fortifica le argumentation. Illos non solve ni clarifica cosas. Lor sol
effecto es offender personas.

Mi consilio: Stoppa immediatemente le messages super religion e
homosexualitate!!!!

Salutes amical de
Piet Cleij