Canada cambiara su leges pro permitter le maritage
homosexual, como Belgio e Hollanda.

Le prime ministro canadian, Jean Cretien, diceva que
un nove lege legalisante maritages homosexual tosto
essera scribite e revidite per le corte supreme
canadian.  Postea illo vadera al parlamento canadian,
ubi le partito liberal de Cretien ha un majoritate
assatis grande pro approbar lo.

Svend Robinson, un parlamentario canadian, un membro
del partito de democratas nove, e un advocato del
legalisation de maritages homosexual in Canada,
laudava le governamento de Cretien pro le corage
politic e moral demonstrate in su opposition al
fortias politic conservative de Canada qui mantene que
un tal cambiamento del definition del maritage causara
un degeneration fundamental in le moralitate del
societate canadian.

In le Statos Unite, nulles ex nostre 50 statos approba
le maritage homosexual, ma Vermont recognosce uniones
civil, le quales es le equivalente legal del maritage
homosexual ma sin un description legal de illos que
usa le parolas "maritage" o "matrimonio".

"In le Statos Unite," dice Evan Wolfson, director
executive del organisation Freedom to Marry, "nos nunc
videra como un societate civilisate potera tractar
gente gay con respecto, e le exemplo de Canada
demonstrara que un tal tractamento essera un ver
adjuta pro omne nostre familias sin ulle damno a illos
e a nostre societate general."

Intertanto, le Southern Baptists, un secta christian
especialmente aggressive in su stupiditate e
cruelitate, inaugura nove programmas pro "curar" nos.

(E naturalmente, si illes non pote "curar" nos, illes
crede que le voluntate de Deo exige que on nos occide,
ben que illes non ha le corage de dicer isto apertemente.)

__________________________________
Do you Yahoo!?
SBC Yahoo! DSL - Now only $29.95 per month!
http://sbc.yahoo.com