Un recercator del Wildlife Conservation Society del
Zoo Bronx ha observate comportamento homosexual inter
orang-utanes in Sumatra, marcante le prime vice que
scientistas ha vidite iste activitate inter
populationes salvage del primates impericulate
criticmente.

Previemente, on habeva solmente vidite comportamento
homosexual inter orang-utanes captive o in animales
rehabilitate que habeva habite contacto intime con
humanos.

Le recercator, Dr. Elizabeth Fox, qui ha studiate
orang-utanes desde 1994, publicava su observationes in
le numero de novembre de American Journal of
Primatology.

"Iste observationes adde orang-utanes al lista de
primates que monstra comportamento homosexual como un
parte de lor repetorio natural de comportamento social
e sexual," diceva Fox.

Durante su studio de longe tempore de orang-utanes in
Sumatra, Fox observava solmente quatro orang-utanes
qui monstrava comportamento homosexual, que
indica que le comportamento es rar. Tote quatro era
masculos, duo de illes mature sexualmente, e duo
adolescentes.

Fox anque observava le duo masculos mature sexualmente
copular con femininas adulte.

__________________________________
Do you Yahoo!?
New Yahoo! Photos - easier uploading and sharing.
http://photos.yahoo.com/