VERSOS INTIME


An tu vide?! Nemine compareva al formidabile

Interramento del tue ultime chimera.

Solmente le Ingratitude -- iste pantera --

Esseva tu companion inseparabile.


Accostuma te al fango que te spera!

Le Homine, qui, in iste terra miserabile,

Reside, inter feras, senti inevitabile

Besonio de esser anque un fera.


Prende un flammifero. Igni tu cigarretta!

Le basio, amico, es le antecedentia del sputo,

Le mano que caressa es le mesme que lapida.


Si a qualcuno ancora causa regret le vulnere tue,

Lapida celle mano que te caressa,

Sputa intro celle bucca que te basia.




Augusto dos Anjos, poeta premodernista brasilian. Ille habeva como themas principal le vita e morte organic in le totalitate del Natura e le reactiones human coram illos, usante, pro esso, parolas e expressiones scientific, popular e scabrose per un maniera originalmente peculiar e anque capturante. Ille nasceva in 1884 in le stato Paraíba e ha morite in 1914, in le urbe Leopoldina del stato Minas Gerais.