Io oblidava indicar te quando io te scribeva le ultime
vice que tu anque pote telecargar le documentos de mi
curso de conversation si tu vole.

Si tu los converte a HTML, indica me le adresse
electronic ubi on pote trovar los, de maniera que io
pote facer referentias a illo in messages electronic
mie in le futuro.

Io crede que il es importantissime que iste curso,
como "Interlingua in intelringua", sia disponibile in
HTML in un formato rapide- e facilemente discargabile.

Le nove medios electronic de communication transforma
le publication de un maniera que prevaleva ante le era
de Gutenberg.

Ante Gutenberg, le publication consisteva del lectura
oral de documentos in scriptorios, que sclavos o
monachos scribeva a mano.

Sovente on redigeva iste documentos al leger los o a
copiar los.  Manuscriptos original del biblia, pro
exemplo, non existe, e paleographos e simile
scholasticos compara le manuscriptos que nunc existe
pro essayar le reconstruction del linguage original de
iste documentos ancian.

Multe personas crede que le manco de manuscriptos
original es un tragedia proque on non pote esser
completemente confidente de lo que le autor original
(sovente discognoscite) scribeva.

Ma io non crede que le restauration de iste typo de
publication plus vetule es de ulle maniera tragic.
Pro un projecto como le promotion del uso de
interlingua, illo es un forma de evolution linguistic.

Eventualmente, differente versiones de mi curso (e in
interlingua e in anglese) possibilemente
(probabilemente?) va apparer.  Omne iste versiones
essera un reflection del preferentias linguistic de su
redactores, e io approba iste processo completemente e
sin reservationes.

__________________________________
Do you Yahoo!?
SBC Yahoo! DSL - Now only $29.95 per month!
http://sbc.yahoo.com