Io scribeva omne mi curso de conversation solmente ex
le fontes in francese que tu jam cognosce.

Le francese es multo differente in su structura e del
anglese e del altere linguas romanic, e in vice de
traducer iste dialogos io a vices debeva scriber
(partes de) dialogos completemente nove sin ulle
referentia al textos original in francese; e mi curso
es alique simile a un nove narration in prosa de, que
nos dice, le "Satyricon" de Petroneo.

Il ha un altere curso simile, "Practice and Improve
your Spanish" (le idalecto del espaniol de iste curso
es illo de Madrid o Valladolid) que usa un scenario
multo simile, ben que le autores de iste curso debeva
cambiar le nomines de personas e organisationes pro
facer los corresponder a realitates cultural espaniol
e latinoamerican.

(Naturalmente, quando io preparava mi proprie curso,
io essayava facer lo plus europee e minus francese.)

Ben que le bibliotheca public de Long Beach anque ha
ambe cursos in su collection, io habeva scribite mi
curso de conversation in interlingua ante leger e
audir le curso in espaniol.

Le scenario de iste cursos ex excellente pro construer
nove cursos inter, que nos dice, interlingua e le
portugese o le italiano, e io spera que altere
interlinguistas eventualmente producera cursos simile
al mie inter interlingua e lor proprie linguas native
e que illes los facera disponibile gratis trans le
Rete.  (Pro me tal cursos esserea multo utile in mi
proprie studios.)

Io spera que iste information clarificara plus
precisemente como io preparava mi curso de
conversation bidirectional inter interlingua e le
anglese.  Si tu ha questiones ulterior, scribe me un
altere vice.

__________________________________
Do you Yahoo!?
SBC Yahoo! DSL - Now only $29.95 per month!
http://sbc.yahoo.com