Io nunc ha completate le prime version de omne le
curso. Iste es le summario del scenas del parte
octave. Io intende preparar deman le summarios del
parte septime de iste curso. Post facer isto, io
inviara omne le octo partes a Thomas Breinstrup in un
dischetto con photocopias del curso original.
Quando io scribe iste summarios pro iste foro, io
continua lor redaction. A vices io face cambios
considerabile in le texto. Post completar iste
redaction, io imprime e postea copia iste summarios in
le documentos original del curso.
Como interlingua usque nunc ha essite disveloppate
principalmente como un medio scribite de
communication, il me ha essite difficile inventar un
dialecto parlate de interlingua que pare tan natural
como le dialogos in francese que forma le base di mi
travalios.
Quando io preparara mi version in anglese de illos e
continuara mi redaction del dialogos in interlingua,
io spera que iste dialogos sonara minus como linguage
scribite e plus como linguage parlate in conversation.
Naturalmente, quando io finira mi travalio in iste
projecto, alteres potera continuar le redaction del
interlingua secundo lor proprie ideas pro disveloppar
un version de interlingua conversational que sia
natural e flexibile.
---
SCENA 1: Le officio in Geneva: Petro dicta litteras
a su secretario. Ille comencia con un littera a
Patricio Melindez in Mexico, dicente que ille ha
decidite restar in Geneva.
Ille tunc reverte su decision e dicta al senior Floret
in Paris un secunde littera in le qual ille revela su
intention de restar in Geneva, sperante que Floret
potera intervenir in su favor.
---
SCENA 2: Le officio de Geneva: Francesca vole parlar
a Petro sur le prime reunion del commission. Il ha un
nove problema proque le reunion va haber loco le
tertie die del mense, ma le officio de Paris dice que
il essera impossibile inviar lor ingeniero ante le
quarte die del mense.
Petro deveni irate e vole saper con qui Francesca
parlava, ma isto illa non sape. Petro tunc da a illa
le instruction de telephonar a Paris e parlar con le
senior Dumont in persona (e a nulle altere membro
persona qui travalia in lor officios a Paris) e de
informar le que ille debera esser in Geneva sin falta
le tertie die del mense.
---
SCENA 3: Le officio a Geneva: Post telephonar Paris,
Francesca dice a Petro que le senior Dumont va esser
in Geneva le tertie die del mense in vice del quarte.
Petro da le gratias a Francesca e la felicita pro
haber persuadite Dumont a venir a tempore pro le
reunion.
Francesca tunc demanda a Petro si il vermente va vader
a Mexico. Petro confirma que forsan ille vadera
illac, e Francesca vole saper proque ille non appare
plus felice con le prospecto de un nove position.
Postea illa suggere a Petro que forsan ille debe
parlar a Catherina si ille vole remander in Geneva.
In iste momento Catherina entra. Illa vole parlar con
Petro, qui anque dice que ille vole parlar con illa.
Francesca vade via, e Catherina explica a Petro un
pauco sur le natura de su relationes con Alan. Il
pare que omne es finite inter illes, e Petro dice a
Catherina que ille nunc non vole vader a Mexico.
Ben que Catherina personalmente volerea que Pero
remane in Geneva, illa jam ha contractate un nove
ingeniero pro su position in Geneva. Petro,
naturalmente, es disappunctate.
---
SCENA 4: Le officio de Geneva: Catherina reintroduce
Petro a John Melville e vade via unes minutas. Petro
e John se reassecura le un al altere que illes va
tractar se professionalmente. Le senior Melville
explica a Petro que ille vole participar in le reunion
solmente como un observator.
Petro tunc demanda a Melville proque ille abandonava
su previe position pro iste e essaya persauader le que
iste nove position non conveni a ille. Le senior
Melville tamen insiste que iste nove position is
perfecte pro ille in iste momento.
SCENA 5: Le officio de Geneva: Petro e John Melville
parla post le reunion. Le senior Melville essseva
multo impressionate per le professionalismo de omne le
participantes in le reunion.
Petro telephona le officio pro verificar si il ha ulle
messages pro ille. Francesca lege a ille un littera
de Transportes Mexico. Illo dice que Petro es
exactemente le persona que illes necessita, e illes es
preste a contractar le sin interviews ulterior. Isto
surprende Petro proque ille habeva dictate un litttera
a illes indicante que ille non voleva le position.
Transportes Mexico dice que ille debera passar un
examination medic ante instalar se in su nove
position, ma le compania le assecura que isto
probabilemente essera un formalitate.
Francesca tunc lege un telex a ille. Illo veni de
Alicia, qui finalmente comprende que Petro non la vole
como su secretaria. Iste nova, naturalmente, es un
grande relavamento pro Petro. Finalmente, Francesca
dice que illa ha trovate in su bureau un littera sue a
Mexico. Naturalmente, isto es un bon nova pro Petro.
Il pare que ille oblidava mitter iste littera in le
posta. Petro nunc comprende proque Transportes Mexico
ha offerite a ille su nove position como ingeniero.
Finalmente, ille retorna al reunion con le senior
Melville.
---
SCENA 6: Le aeroportro de Geneva: Catherina e Petro
es in le aeroporto. Le avion que portara Petro a
Mexico va volar via multo tosto. Catherina dice que
illa spera que illes se trovara un altere vice post
que ille completara le tres annos de su nove
contracto.
Petro tunc exprime su sperantias que Catherina habera
multe successo in su projecto egyptian e que su
relationes con le senior Melville vadera ben pro illa.
Finalmente, ille se imbarca in le avion, exprimente
su optimismo pro iste nove developpamento in su carrera.
__________________________________________________
Do you Yahoo!?
Yahoo! Tax Center - File online, calculators, forms, and more
http://tax.yahoo.com
|
