[log in to unmask] wrote:

>Le governamenta accusava le advocatos de esser membros
>del grupo, considerate terroristas per Turquia e
>le Statos Untie.  Le advocatos diceva que on les
>persecutava pro representar clientes ante le Tribunal
>pro le Securitate del Stato e pro luctar pro derectos
>human.
>
>[Io es convencite que il esserea multo periculose
>admitter ulle pais musulman a in le Union Europee.
>Secundo lo que io ha legite, immigrantes musulman
>jam ha devenite un problema social assatis serie
>in le Union Europee--specialmente in Scandinavia
>e Hollanda.
>
>
Como le pagano (lege atheista o agnostico, secundo vostre gusto) que io
es io ha poco interesse in le religion e es ben convincite que islam o
baha'is in mi pais con poter absolute esserea un damno. Nonobstante io
vole sublinear que le risco de islam in le futuro va depdneer de como
nos tracta ille religion e su practicantes.

Ante alcun septimana io audiva que in Svedia il jam ha imams feminas, un
cosa que sembla impossibile in paises purmente islamic. Si le humanos lo
vole o non, il ha sempre un influentia mutual inter le immigratos e le
societate al qual le humanos immigra. On pote seliger un action de
inclusion o exclusion.

Il es multo probabile que un pais como Turchia haberea plus de profito
stante extra le Union Europee, si illo poterea supportar un maximalmente
libere mercato ubi il es facile haber interprisas e ganiar moneta. Si le
pais non pote realisar isto per proprie fortia, alora le Union Europee
es un optime election.

E le politica de EU habera effectos anque al politica del governamento
turc.

On tamen debe rememorar que le hereditage de Turchia es un de
secularitate. Le militar es, quanto paradoxal isto pote semblar, un
sorta de garante de un tal secularitate. In facto le prime rebelliones
kurdic non del toto era ethnic ma habeva su fundo in le prohibition de
portar le chal (chador?) o le fez pro me viros. Ma le kurdos, tanto como
le turcos era sub le influentia del ideas de un nation, un lingua, un
pais....

In facto Turchia es un pais multinational que usa le lingua turc como le
lingua national. Isto es un poco - como io lo comprende - como le idea
secular de Francia. Sia lo que tu vole a casa, ma ante le stato tu es
francese e secular.

Pro isto il es un malediction que partitos conservative vole includer
"Deo" in le constitution europee. Naturalmente io me demanda proque on
non al mesme instante pote includer phantomas, trolls e Patre Natal in
le deitates, e il va sin dicer que Patre Natal es plus real a multe
infantes que Ille in le Alturas. Per lo qual io vole dicer que le crede
in Deo o altere cosas debe esser le cosa private de cata individuo,
inter le dinvididuo e Deo. E io mantenerea iste opinion, mesmo si io
erea christian. Deo non necessita telefonistas.

Kjell R