Un copyright legalmente pote proteger solmente un
sequentia de parolas.  Le idea o ideas exprimite
in iste sequentia non pote esser protegite legalmente
proque le lege exige precision.  Sequentias de parolas
pote esser comparate facilemente.  Ma ideas es troppo
amorphe e imprecise pro esser comparate in processos
legal e reciper le protection legal de copyright.

Quando io scribeva "Le 'magas' de Salem,
Massachussetts", pro exemplo, io habeva ante me
un articulo in anglese, le qual io reorganisava
un pauco e cuje ideas io exprimeva in interlingua
de un maniera precise secundo mi proprie patronos pro
usar le lingua.

Quando io inviava mi articulo a Stan pro possibile
publication in "Confluentes", io anque inviava a
ille le articulo original in anglese.  (Io anque
ha facite isto quando io inviava articulos a Thomas
Breinstrup que ille ha publicate in "Panorama".)

Ora, Stan redigeva mi articulo secundo su proprie
preferentias, e tunc lo publicava (Thomas anque
ha facite isto con mi contributiones a "Panorama").

Le version de iste articulo que io ha publicate
in iste sito preserva omne le preferentias de
vocabulario de Stan, ma io cambiava duo o tres partes
de su version in interlingua pro major brevitate
e/o claritate.

Le version que io ha redigite in interlingua de
iste articulo es multo differente del anglese del
articulo fonte.  E ben que illo ha quasi omne le
ideas del articulo original, il esserea impossibile
establir un violation del derecto de copyright si
on comparava le duo versiones de iste articulo in
un processo legal.


__________________________________
Do you Yahoo!?
Free Pop-Up Blocker - Get it now
http://companion.yahoo.com/