On Thu, 11 Dec 2003 13:54:17 +0100, [log in to unmask] <[log in to unmask]>
wrote:

>---------- Initial Header -----------
>> <<Comocunque, io crede que uniones de omosexuales con filos es un pessime
>> cosa (si le filios es infante). Isto va conditionar negativemente lor
>> crescita, perque illos manca de un modello familiar.>>
>>
>> Io non es de accordo con vos.  Io crede que il ha situationes in que un
>> infante poterea esser mejor con un familia amante, nonobstante que sia un
>> familia homosexual.  Le uso vostre del parola 'pessima' suggera que vos
>> opina que non ha nihil pejor in le mundo que haber un familia gay.   Io
>> spera que al minus vos crede que il ha situationes in que un infante
esserea
>> mejor in un familia amante e homosexual que haber nihil.
>
>Si, isto es certe. Io scribeva "pessime" con le signification de "multo
mal", non de "pejor". Il ha altere situationes difficile, pro un infante.
Le haber un sol genitor es equalmente un situation de instabilitate, assi
como haber duo genitores (eterosexual o non) qui non dedica al filio le
tempore necessari.
>Lo que io vole dicer es que un infante que cresce in un familia omosexual
va incontrar facilemente problemas de relation.

A mi aviso, on ha facite multe recercas super le structura familial e le
resultos social. Sin surprisa, on constata que le plus instabile le
familia, le pejor le resultos pro le infantes, mensurate per indicatores
como progresso in le schola, difficultates psychologic, uso de alcohol e
drogas, incontros con le policia, pregnantia premarital, etc. In specifico:

Le evidentias son conclusive que infantes qui habita con duo progenitores
incontra (typicamente!) un minimo de problemas relative a illes que habita
con un sol progenitor, e iste effecto es independente del nivello economic
del familia e altere factores extranee.

Il ha equalmente evidentias que infantes que habita con lor progenitores
biologic ha minus de problemas que illes que habita con progenitores
adoptate o in un familia de matrastro/patrastro.

Il ha *alcun* evidentias que, in familias de un progenitor sol, le manco de
un progenitor del sexo opposite pejora le adjustamento social del infante.
(In altere parolas, il va un puero plus ben si ille habita con le patre, ma
il va un puera plus ben si illa habita con le matre.)

Quanto al familias gay, il ha de facto (a mi aviso) pauc evidentias o
positive o negative. Le reporto final del commission pro reformas legal de
Tasmania contine un bon summario de recercas:

http://www.law.utas.edu.au/reform/AdoptionFinRepEasyPrint.pdf

Illo conclude que:

- Recercas scientific super familias gay son multo pauc

- Il ha grande obstaculos a colliger bon datos in iste campo

- Multe recercas existente ha essite criticate a causa de lor methologias o
de lor character politicisate.

(Finalmente, le reporta advocava legalisar le adoption juncte per copulas
gay, viste que il ha nulle forte evidentias contra isto.)

E que es mi conclusion de isto? Le conclusion eterne del centrista politic:
On ha besonia de plus de recercas! De facto, io crede que, in le caso
ideal, le familia traditional (matre + patre - in un maritage permanante -
+ lor infantes biologic) es le melior ambiente pro elevar infantes, e io
attende que le recercas va constatar isto finalmente. Naturalmente alcun
familias conformante a iste typo son realmente le pejor ambientes
imaginabile, ma nos parla del caso typic. Viste que on jam permitte
individuos sol a adoptar infantes (malgrado le difficultes demonstrabile de
infantes de progenitores sol), io vide nulle ration pro prohiber copulas
gay de facer le mesmo. On debe adjudicar cata caso secundo su meritos
individue, non secundo assumptiones (ver o false) super le character
general de un gruppo.

Amicalmente,

Chris