Io non ancora ha vidite lo, mais desde plure dies Le Passion de Christo
ha essite monstrate in le cinemas del Statos Unite.  Io ha audite un
discussante del film dice que le vividitate del film va crear un
false senso historic e theologic in le spectatores.  Per exemplo,
post que Jesus (Deo, secundo le evangelio de John) Se ha sacrificate
super le cruce pro salvar nos, un corvo vola al facie de un prisionero
super le cruce al latere de Jesus qui ha maldicte Jesus e remove un oculo
del prisionero. Le spectator ha le inferentia que Deo ha punite le pro
mal dicer Jesus.  Isto contradice le message del Cruce que Deo assi
ama tote le mundo que ille Se sacrifica pro salvar le animas de toto.
Isto alteremente suggere que le Deo es vindictive e cruel.  De facto
iste occurrentia non existe in alcun evangelio del Biblia.

Un altere discrepantia, que possibilemente origina con le evangelios,
es que Pontius Pilate esseva un passive governator de Palestina. De
facto, ille esseva un cruel e punitive governator. Il non es realistic
creder que le prestres del Tempulo de Jerusalem o mesmo le Regno
del hebreos habeva alcun poter a dictar le decisiones de Pilate. Un vice
post que su truppos ha massacrate centos de hebreos in un minor revolto,
ille esseva requirite a viagiar retro a Roma pro justificar su actiones.
Post clarificar se al satisfaction del autoritates, ille ha retornate se
a Palestina e ha introducite deos roman in le Tempulo, con plus rebelliones.
Il es plus probabile que Pilate ha executate Jesus proque ille esseva
declarate per multes como le "Regno del Hebreos", un menacia al autoritate
de Roma.  Nos sape isto secundo le Historia del Hebreos  per Josepho
le general judee qui ha luctate contra le romanos e alora ha capitulate
a illes.  Le uso de crucifixion esseva un punition del romanos pro
sedition. Rememora le punition del gladiatores qui ha rebellate contra
Roma esseva le crucifixion: milles esseva crucifixate al lateres de un
strata verso Roma.

Le historicos crede que le evangelios esseva scribite (inter 50 a
120 c.e.) in un maniera pro non offender le romanos, multes de que
esseva recrutate al christianismo.  John esseva scribite inter 90 e 120
c.e. post le destruction del Tempulo a Jerusalem per le romanos in 70 c.e..
Ille habeva le avantage del retrospection in predicer le destruction del
Tempulo per Jesus.

De interesse  es que le linguas del film es aramaico e latino. Il ha
subtitulos in anglese  (in le Statos Unite). Illo  es un forma del
docudrama!

Salute
Stan Mulaik