Il 30/07/05, jasef harb<[log in to unmask]> ha scritto:
> Io pensa que tu ha ration Petro.
> 
> Le cosa es seriose e debe ser facite correctemente.
> 

Car Giovanni, Peter, e Jasef,
le situation de un symbolo pro Interlingua ha essite
discutite in le passato. In mi opinion il non debe 
haber un bandiera pro le lingua. Linguas non ha
bandieras, que io sape... Il ha bandieras national
e bandieras commercial de marcas registrate con
lor respective symbolos sub copyright. Ma un 
bandiera pro un lingua es un poco esperantistic
:-))) Io dice isto 'amicomicalmente' claro. 

Io crede que un symbolo pro le UMI o le differente
organisationes pro le promotion de Interlingua esserea
un bon idea. Ma un symbolo pro Interlingua jam 
existe in le uso del codices del ISO, o sia "ia" e "ina".
Assi le symbolos pro le organisationes in supporto
del lingua poterea includer iste abbreviationes jam
international.

Milliones de personas in le mundo moderne vide le
uso de bandieras national como un sorte de 
idolatria. Certo, multe personas non lo vide assi,
ma pro le Nazis in le medietate del ultime seculo
le bandieras serviva quasi functiones cultistic.
Pro nos, qui supporta le promotion de un lingua,
le cosa importante non es un maniera de pensar
o un maniera de exprimer nostre proprie pensatas,
ma le uso del lingua, como vos dice, si io comprende
ben le intentiones exprimite in iste previe messages.
Assi pro nos, etiam, es necessari supportar le UMI
e le varie organisationes national que promove le uso
de Interlingua. Isto es multo importante e un labor
que necessita bastante effortio e bastante dedication.
Io vos commenda multo in que vos vole promover le
uso de Interlingua in le mundo moderne. 

Que vos pensa de disveloppar symbolos pro le UMI
e pro le organisationes national in supporto de 
Interlingua. Forsan facer concursos e publicar le
resultatos. On poterea haber un voto pro isto o
in vice de votos on poterea haber un
gruppo de judices seligite per le membros e
que deberea dar le premio al symbolo seligite.

Con salutes amical,
Jay B..

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================