d[050805] x[Kiviaho Allan] z[KivA-585gf]
s[Re: Le base academic de ia. An Gode usava particulas in crochettos?]

[log in to unmask]

Estimate altemente docte Academicos!

----------------------------------------------------------------
Mulaik Stan 050719: Si, mais ille (Gode) non usava le particulas
in []!
- - - - - - - - - - - - - - - - - - - - - - - - - - - - - - - -
Stan 050721: Nota que le particulas in [] non esseva usate per
Gode
- - - - - - - - - - - - - - - - - - - - - - - - - - - - - - - -
Stan 050731: E Gode non esseva explicite in indicar in le
introduction al IED qual rationes que ille ha usate in
introducer le particulas in [] in illo. Mais ille mesme non
jammais ha usate tal particulas. Le resultatos esseva le plus
amateuristic productos de IALA, proque in facto le resultato non
esseva derivate in le mesme maniera professional.
- - - - - - - - - - - - - - - - - - - - - - - - - - - - - - - -
Gasper Donald 050731: Il pote esser ver que Gode mesme non ha
usate le particulas in []. Ma ille usava le particula latin
"sed" (usate anque in Esperanto) ubi vos usa "mais" e io
"[ma]".
-------------------------------------------------------x--------

Nos visita Tallinn al minus un vice cata mense. Solmente
60 kilometros de Helsinki on trova un meraviliose citate
medieval. Nos debe levar nos a 5 horas e a 6 horas nos
promenar al station ferroviari de Martinlaakso e viagia
con un multo moderne traino local (in ultra nos usa in
Finlandia le large intervia de Russia imperial que face
nostre trainos plus spatiose quam illos in quasi ulle
altere paises in le mundo,
:: e Finlandia [Oy Strömberg Ab, ubi io travaliava in
:: 1956-1975] era le dominante pais in le mundo in
:: branca de electronica ferroviari [SAMI - Strömberg
:: Asynchronous Motor Inverter].)

In le central station ferroviari de Helsinki nos ha
solmente alicun deces de secundas pro cambiar al
autobus nr. 15 que va al Porto del West de Helsinki.
Le bus es plen de pensionarios qui son in cammino a
Tallinn pro procurar non-costose biberages alcoholic.

Ca. a 07:10 horas nos va a bordo del "Nordlandia". Illo
es un vetule e tardive nave del compania maritime
"Eckerö Line" de Ahvenanmaa/Åland/Alanda, un
semiautonome insula svedophone inter Finlandia e
Stockholm/Svedia. Con "Nordlandia" le viage a Tallinn
dura 3½ horas. Multes viagia con catamaranos con le
quales le viage dura solmente 1 hora e 40 minutas. Le
homines de affaires usa helicopter e son in Tallinn in
18 minutas ... Sed nos, mi sposa Brita-Lisa e io, ama
le tardive viage con "Nordlandia". On ha tempore pro
reflecter le grande strategias de interlingua etc.
Si tosto quando nos son a bordo nos junge nos a cauda
ante le porta de restaurante, que on aperi a 7 h 30
min., pro jentaculo. Si nos non son rapide, nos debe
attender terribilemente longe ante que nos attinge le
placia in iste antiquate sed confortabile restaurante.

Quando nos sta a cauda, io lege alicun magazin (mi
magazin facorite es le mensuel "Baltic Guide" que es
publicate in estoniano e finnese) o e.g. alicun libro
de interlingua. + + +
Nunc, quando Estonia es un membro del Union Europee e
le porto de Tallinn de naves ex altere portos del Union
non es un frontiera de Schengen, le controlo de
passaportos va multo rapidemente.

Iste vice nos visitava in Tallinn le Palatio de
Kadriorg, un palatio que era edificate per Petr
Velikij (Petro Grande) al initio de 18e seculo. Illo es
hodie un museo del arte estranier. Le centro historic de
Tallinn era plen de touristas estranier, iste vice inter
illes era multe franceses e italianos.

+ + + Iste vice io legeva le libro
:: DISCUSSIONES DE INTERLINGUA PER ALEXANDER GODE, Ph.D.
:: Servicio de Libros UMI, Beekbergen, le Paises Basse,
:: 1997.

Stan Mulaik ha mantenite que Alexander Gode non usava
particulas []. Como Donald Gasper ha constatate, le
particula "sed" pertine a categoria de "[]" benque illo
non es inter crochettos in le IED.

! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! !
Al cauda io trovava in le libro mantenite in supra in
pagina 100, al 10e linea ab infra:
:: In defender interlingua vis-à-vis iste genere de
:: totalitarismo, on se trova facilemente seducite a
:: arguer per medio de contra-assertiones non minus
:: totalitari e HINC non minus idiota.
! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! !

In le IED:

[hinc] adv hence, henceforth (1. from this place; 2.
from this time; 3. from this reason)

"Hinc" non es mentionate in le reporto de Stan Mulaik
"Particulas de  interlingua con appoio in linguas
romance moderne". On trova in iste reporto "abhinc"
que non es in le IED. In le reporto de Stan on non
trova etiam e.g. "hence".

In le Dictionario anglese-interlingua de Jay Bowks on
trova:

hence = {from here} {adv} de hic
hence = {therefore} {adv} in consequentia
hence-forth = {adv} ab ora
hence-forth = {adv} de nunc in futuro
hence-forward = {henceforth} {adv} ab ora
hence-forward = {henceforth} {adv} de nunc in futuro

- - -

Benque il es possibile que Alexander Gode usava le
particulas [] solmente multo rarmente, on non pote
mantener que ille "non usava particulas []" proque
on ha trovate un (hinc), o duo, si nos accepta que
"sed" es un particula [].

E qui sape que particulas Alexander Gode ha usate in
su immense quantitate de traductiones in magazines
e publicationes de conferentias scientific?

- - -

Salutante

Allan Kiviaho

Allan Kiviaho

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================