Pharmacos e le quarantena possibile va stoppar un pandemia ante que illo
comencia.
In le Scientia le 5 de augusto 2005. per Martin Enserink
Trenta-sex annos post le ultime pandemia, le recercatores questiona
si o non illes pote portar iste disastros global a un fin. Illo
possibilemente va succeder. Con le planification militaresc, un grande
pila de pilulas, e multe fortuna, le mundo possibilemente va esser
capace de stoppar un pandemia nascente del influenza immediatemente
quando illo comencia, duo nove studios de modellos conclude.
Le modellos, publicate in linea in Nature e Science
(www.sciencemag.org/cgi/content/abstract/1115717), es le prime
essayos a estimar le potentia del pharmaco antiviral oseltamivir pro
annullar un pandemia--un idea unprecedente e audace. Si un grande
numero de gentes in un region ubi un pandemia ha initialmente apparite
recipe le pharmaco prophylaticamente e se conforma con alcun
mesuras draconian a limitar lor movimentos e contactos, milliones
de vitas possibile va esser salvate, le autores de ambe articulos
dice--e le historia medical esserea rescribite in le processo.
Mais justo como probabile es aquelle scenario a succeder? Como le
expertos indica, le modellos, ambe de que ha selectionate Thailanda
como le presumptive centro de origine, se basa super plure
assumptiones non probate: que le virus pandemic non es altemente
infectuose, e que grande quantitatates de pharmacos pote esser
distribuite rapidemente al proprie gentes, mesmo in villages remote.
"Le modellos ha ration, e nos debe seriosemente considera iste
approche," dice Harvard epidemiologos Marc Lipsitch, "mais le
final message es que nos non pote esser assecurate de isto."
Le recercatores--un equipa gerite per Ira Longini de Emory Universitate
in Atlanta, Georgia, le altere per Neil Ferguson del Collegia Imperial
de London--spera que lor obra va conducer se a actiones concrete
proque fin a ora, il ha habite pauco de alcun ingagiamento a un tal
plano. Le Organization de Sanitate Mundial (OSM/WHO), que le
recercatores dice deberea conducer le effortio, es 'interessate,'
dice le chef del agentia de pandemias, Margaret Chan. Paises ric
ora immagazinar oseltamivir pro proteger lor proprie populationes,
mais illes ha necun planos fin a ora pro expedir lo al cuna del
epidemia. Ni face le paises asian affectate per H5N1--le specie del
influenza avian que on time le plus es le fonte potential del
proxime pandemia--a bordo o necessemente preste con le
logistica, ben que illes esseva preste de discuter le idea a un
reunion in Bangkok in augusto.
Pharmaco del die. Un reserva global de fin a 3 milliones de
cursos de therapia de oseltamivir possibilemente va esser
requirite.
Secundo le Pressa Associate, date le historia del influenza,
le majoritate de expertos da le probabilitate que le mundo
va esser confrontate per un altere pandemia a 100%. Le
question es quando illo va occurrer e quanto mal illo va esser;
il ha extense accordo que le numero de mortes poterea esser
in le milliones. Vaccinas offere plus que altere le probabilitate
le melio a averir aquelle periculo--al minus in le paises que
pote permitter se los--mais istos requirerea multe menses
a producer post un pandemia se comencia (Science le15 de
octobre 2004, p. 394).
Un nove idea hardite es a usar le oseltamivir a battaliar un
virus potentialmente pandemic a su fonte, ante que illo
deveni un menacia global, usante un reserva administrate
internationalmente. Le strategia possibilemente esserea le
sol via a evitar le disastro in le majoritate de paises qui
manca del moneta a comprar le vaccinas o pharmacos de
toto, nota Arnold Monto del Universitate de Michigan,
a Ann Arbor. Oseltamivir facerea aquelles qui recipe le
influenza minus infectiose a alteros, mais pro multo su
carga le plus importante esserea a prevenir le infection
in aquelles in contacto con le virus.
Al hora actual aquelle idea ha essite probate. Longini e
su collegas ha simulate un population imaginari de
500,000 gentes qui vive, labora, e move circa in le
Asia del Sudest. In le interim, Ferguson e su collegas
ha construite un modello basate super le 85 million
gentes habitante Thailanda e un zona del frontiera
de 100 kilometros in largor in paises vicin. Ambe
alora ha introducite (in lor modello) un virus pandemic
e ha observate como ben functiona le differente
strategias de confinar le virus.
Le petra angular in cata modello esseva a dar un curso
prophylactic de dece dies de oseltamivir al contactos
de cata patiente suspectate de haber le influenza--
o per tractar tote le mundo in lor casa, schola o
loco de empleo, o per simplemente dar lo a alcuno
vivente de intro un certe radio. In ambe modellos,
le regime de pharmaco esseva supplementate per
mesuras tal como clauder se le scholas, quarentenar
gentes a casa, o zonas de quarentena, in que le
movimento in e foras del zona es restricte.
E in ambe modellos, le plus que tal mesuras esseva
empleate, le plus alte le probabilitate que le
pandemia ha subsidite, con milles o mesmo milliones
de personas recipente un curso de therapia de
oseltamivir, mais solmente un pauco centos de
casos ver del influenza. Mais le successo se dependeva
criticamente super alcun pauc factores.
Un es le infectiositate del virus pandemic. Le
epidemiologos characteriza agentes infectiose per
un factor appellate R0, que denota le numero de
infectiones secundari causate per un caso primari.
In ambe studios, viruses con un R0 inter 1.0 e 1.8
poterea usualmente esser confinate, depedente
super le collection exacte de mesuras; con un R0
ben super 2.0, le eruption del pandemia sovente ha
spiralate se foras del controlo. Estimatos pro R0
durante pandemias del passato ha variate; in un
articulo publicate in decembre, Lipsitch ha concludite
que il esseva inter 2 e 4 in le Statos Unite durante
le pandemia de 1918-1919. Mais Ferguson estima
que illo esseva circa 1.8.
Un altere condition clave es que le operation
comencia in solmente un copula de septimanas
post le prime casos. Le probabilitate de confinamento
cade dramaticamente si illo require plus que 2 dies
a attinger le contactos del nove patientes. Ambe
conditiones va defiar nostre capacitates, a dicer
le minus, in zonas rural con povre assistentia
medical.
Stan Mulaik
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
