Erumpente se per le porta marcate "Private" le macello ha confrontate
le homine de lege local a su scriptorio.
"Si un can fura un pecia de carne de mi macelleria, es le proprietario del
can liabile?" ille demandava al homine ultra le scriptorio.
"Certemente", respondeva le homine de lege.
"Ben, tu can prendeva de me un pecia de carne que costa $2,00
solmente cinque minutas retro."
"Hmm, " ille respondeva. "Alora, si tu me da le altere medie del
pecia de carne, aquello va coprir mi derecto pro iste aviso. "
***
Le accusator (severemente al teste): "Senior, tu possibilemente va
ancora trovar te incarcerate pro le perjurio. Solmente alcun pauc
momentos retro tu ha dicite al corte que tu habeva solmente un
fratre, mais tu soror ha testificate que illa ha duo. Ora produce
le veritate!"
***
Mozart, qui esseva un studente de Haydn, un vice spondeva su
maestro que ille poteva componer un pecia que Haydn non poteva
sonar al piano.
In cinque minutas Mozart scribeva un pecia de musica e ha date lo
a Haydn.
"Que es isto?", Haydn ha exclamate post que ille ha sonate alcun
pauc barras. "Aqui es un nota que on debe sonar in le medie del
claviero quando ambe manos es extendite a ambe fines del
claviero. Necuno pote sonar tal musica."
Con un surriso, Mozart ha excambiate se con Haydn al claviero
e ha comenciate a sonar le pecia. Quando ille ha venite a aquelle
nota, ille ha inclinate se al claviero e ha frappate le nota con su naso--
un membro con que Haydn esseva amplemente dotate.
***
Un femina un vice criticava Dr. Samuel Johnson, le autor del
famose dictionario anglese, pro poner parolas 'improprie' in
su dictionario.
"Seniora," diceva le lexicographo distinguite, "tu ha cercate
pro illos."
***
Un taxista francese un vice faceva un joco super Sr. Arthur
Conan Doyle, le autor del libros del detectivo Sherlock Holmes.
Le taxista ha conducite Sr. Arthur del station de trainos a un
hotel e, quando ille ha recipite su precio de viage, ille diceva:
"Merci (gratias) M. Conan Doyle."
"Como sape tu mi nomine?" demandava Sr. Arthur.
"Ben, senior, io ha vidite in le periodicos que tu veniva del
sud de France a Paris; tu apparentia general me informava que
tu esseva anglese; tu capillos ha essite clarmente taliate
per un barbero in le sud de Francia. Io ha assembleate iste
indicationes insimul e ha deducite que illo esseva tu."
"Aquello es multo remarcabile. Tu non habeva alcun altere
evidentia pro arrivar a tu deduction?"
"Ben," diceva le taxista, "il habeva equalmente le facto que
tu nomine esseva super tu bagage."
***
Il habeva un vetere sculptor, Phidias
Cuje cognoscimento del arte esseva invidiose.
Ille sculpeva Aphrodite,
Sin camisa de nocte
Que stupefaceva le purmente scrupulose.
***
Le homine medie: Uno qui pensa que ille non es.
***
Le matre ha pensate que su filia debe esser examinate pro
alcun tendentias abnormal. Assi illa ha prendite le filia a
un psychologo. Inter altere questiones, le homine del
scientia ha demandate:
"Es tu un puero o un puera?"
"Io es un puero", le puera ha respondite.
Alquanto stupefacite, le psychologo ha essayate de novo.
"Quando tu deveni un adulte, essera tu un homine o un femina?"
"Un homine", respondeva le puera.
Plus tarde, como illas ha vadite al casa, le matre ha demandate,
"Proque ha tu respondite a aquelle homine in tal manieras
extranee?"
Le puera ha posturate se con grande dignitate. "Aquelle vetere
folle," illa diceva. "Si ille esseva inclinate a demandar de me
questiones folle, io esseva inclinate a dar le responsas
equalmente folle. "
***
Stan Mulaik
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
