>
>rom:    "Jay B." <[log in to unmask]>
>Subject: Re: Le esperantismo non es interlingua
>
>Il 30/08/05, Stanley Mulaik<[log in to unmask]>
ha scritto: Illo non es un receptaculo in le linguas
fonte, mais un cosa que face o produce alque concernente le substantivo que
es su thema.
>> Nos non pote crear nove categorias e lor suffixos que non jam
>> existe in  le linguas fontal. Facer isto es le esperantismo (o le
>> occidentalismo). Io pensa que un esperantista inconsciente ha
>> facite -iera/-iero (Blair?).
>
>Car Stan e Kjell,
>In mi opinion le suffixo -iera/-iero veni ab le
>francese, que influentiava multe parolas in
>anglese. Assi nos ha "fronteer" sin dubita,
>le francese esseva plus commun como un
>lingua inter frontieras e in le passaportos
>sempre habeva le lingua national e anque le
>francese, nonne?

Io non dubita que alcuno con un prejudicio
verso le francese es responsabile pro isto--
malgrado le explicite regulas in le introduction
al IED.

Si o non illo veniva del francese, in le francese
-ier e -ière corresponde a -ero e -era in
interlingua, proque illos es usate in altere
parolas que non concerne receptaculos etc..

Ben, io ha examinate tote le entratas in
-iero e -iera in le IED e io ha controlate
los contra lor correspondente variantes
in le linguas contribuente, e il non ha
un clar categoria representate per le mesme
suffixo que corresponde a iste categoria
in le Grammatica de Gode e Blair e in le
entratas del IED.  Io va inviar te un copia
in pdf del studio.

Le arbores in -iero es basate exclusivemente
super le forma francese -ier, durante que le
altere linguas romance usa quasi semper simplemente
-a (fructo) e -o (arbore o planta) (ital.), o
usa -era, -ero o -a e -o (espaniol).

>Forsan cosas cambia nunc,
>ma in le passato multe germanos e russos
>forsan cognosceva le terminos francese e
>poterea acceptar le final de parolas in -iera
>como plus natural pro illes. Illo es como un
>ponte inter le linguas romanic e le anglese.

Il es un cosa a imaginar iste possibilitates.
Il es un altere cosa a controlar los per
cercar le entratas in le dictionarios.
Le methodos describite in le introduction al
IED es multo clar e io non ha vidite scribite
in alcun altere loco alternative regulas
como aquellos que tu imagina.

>Assi forsan le IALA recercava isto e decideva
>que -iera esserea plus comprensibile e plus
>acceptabile. Esque il haberea documentation
>de isto in le archivos in NYC?

Io lo dubita, mais tu es ben venite a
cercar pro illos. Il ha necun tal description
in le Interlinguistic Standardization que
es le manual per Stillman e Gode de 1943.

Lo que non es clar es le effecto de Andre
Martinet qui amava formas occidental que
in torno ha multe formas francese.  Per
exemplo io vide in mi Radicarium de
Occidental que al 'sucr-' il ha le
suffixos '-iere' e '-iera'.  Que significa
parolas facite con iste suffixos in
occidental? A orange il ha -iero e -iera =
orangiero e orangiera. Similarmente,
'persic => -iero e -iera; pir -iero, -iera;
pom -iero, -iera; prun -iero, -iera;
Es isto arbore e fructo respectivemente?

Qui ha un lista del suffixos de occidental e lor
significationes?

Ben, iste discussion debe mover se a
coollista.

Salutes!

Stan Mulaik

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================