Car Edo e le alteres,
Europanto es vermente un mixtura horribile.
Io crede que iste debe esser le caricatura exaggerate de un linguage que se
poterea disveloppar successivemente si le europeos non trovara un solution
apte pro le problemas con su situation multilingue. Nos ha in Germania, ma
plus o minus anque in le altere paises europee, un superposition del linguas
national per le lingua anglo-american. Multe gente, specialmente le gente
plus vetule, qui non ha apprendite le anglese, crescentemente non pote
completemente comprender le novas in le jornales e in le media electronic.
Anque le imagine que offere le stratas del centro de citates, causate per le
reclamo luminose o non-luminose, on ha le impression de esser in un citate
de un pais anglophone.
On critica le scholares inter altere que illes non es perfecte in le
orthographia, ma isto es pro me totalmente clar nam illes vide ubique
parolas que es scribite differente, un vice in germano, pois in anglese, e
anque in un maniera ni correcte in germano, ni correcte in anglese.
P. ex. a un bar de un boteca o magazin, ubi on pote biber o mangiar un leve
repasto io trovava pro un tassa de caffe le parolas scribite
differentemente, quasi le un al latere del altere: Kaffee, coffe, Cafe,
Café, Coffee, forsan anque un alternativa in plus. Io me demanda, como debe
le infantes apprender le orthographia correcte? Isto es solmente un sol
exemplo de multes.

Salutes amical,
Franz

--
Archivos e disabonar: http://listserv.icors.org/archives/INTERLNG.html