Car amicos,

De plus in plus me prende le sentimento que in iste lista nos debe stoppar
le discussion super esperanto. On poterea transponer lo a un lista proponite
per Jaw Bowks, ben que io personalmente ha nulle inclination de participar
in illo.

Ancora alcun lineas pro terminar mi contribution al discussion.
Io ha le impression que senior Alexander non ha legite le texto del projecto
de reforma de 1894. Isto explicarea que ille scribe:   " ......iste reforma
de 1894 era un compilation de reformas INCOMPATIBILE....." Ma le reformas
esseva multo clar e ben compatibile (brevemente: suppression del litteras
con "tectos"", suppression del -n- del accusativo, suppression del plural
del adjectivos, suppression del tabula de correlativos, reimplaciamento de
plure parolas per alteres plus international). In 1907 Couturat ha
introducite iste reformas in su projecto Ido. Isto monstra que illos esseva
ben compatibile.

Senior Alexander pote leger le opinion e le propositiones de Zamenhof super
iste subjecto in le Historia del Lingua International publicate per Ric
Berger, que es ancora in vendita apud le Servicio de Libros UMI. Ric Berger
ha facite reproductiones in facsimile del articulos de Zamenhof  Legente
iste articulos senior Alexander va constatar que io non ha facite ERRORES
FACTUAL super iste materia.

Certemente io non vole asserer que senior Alexander es un fanatico de
esperanto. Ma on incontra tal personas in le lista "Fenêtre sur l'Europe".
Illes es le personas qui essaya de dar informationes false a un publico
ignorante.

Salutationes de
Piet Cleij