Poco humanos in le occidente ha audite de Olga Skorokhodova (1911- 1982).

Illa nasceva in un multo povre familia le 23 de maio 1911. In 1914 le  
patre debeva ir al guerra, e illa le incontrarea solo in 1930.

In le etate de cinque annos Olga cadeva malade in meningitis e como un  
resultato de isto perdeva le vision e quasi completemente le audito.

Le matre laborava de matino a nocte e le infante viveva un vita sin  
contactos con le mundo ambiente. Illa era inviate a un schola pro surdos e  
secos a Odessa e postea a un clinica e schola pro infantes surdo-secos in  
Kharkiv (Kharkov), fundate per le professor I. A. Sokolyanskiy. Pro Olga  
Skorokhodova se comenciava totalmente nove vita. In ille schola il habeva  
8 alumnos. Durante le guerra e le occupation per le Hitlerianos 6 ex iste  
infantes era occidite, ma como per un hasardo le vita de Olga era salvate.  
Post le guerra illa veniva a Moscova pro continuate studios.

In Moscova illa initiala studios universitari e publicava un libro "Como  
ego percipe le cosas e le mundo ambiental", un libro que illa expandeva  
pro su examine de Candidato de Scientias Pedagogic con specialisation  
psycologia.

Per un metodica special on succedeva restaurir le capacitate de parlar que  
illa habeva perdite post le menigite. Su altere medios de communication  
con le externe mundo era le scriptura Braille e un special  
dactylo-alfabeto.

Illa sapeva parlar e dava conferentias (prelecturas) ante un audientia  
(publico) qui poteva testimoniar de su belle, debile voce.

In general illa habeva un grande interesse in litteratura e cognosceva ben  
non solo le russe ma anque le estranier litteratura.

Iste interesse menava a un lolnge correspondentia con le celebre sovietic  
scriptor Maxim Gorkiy, qui scribeva que illa monstrava un talento a  
litteratura.



Le factos a iste articulo ego trovava al url  
http://psy.1september.ru/2000/21/6.htm

Kjell R



-- 
Använder Operas banbrytande e-postklient: http://www.opera.com/mail/

--
Pro disabonar te: http://listserv.icors.org/archives/INTERLNG.html