Al attention de tote le usatores de software Microsoft.
In le septimanas passate plure mi collegas - tote informaticos 
professional - comprava computatores nove con Windows Vista, e totes 
lamenta plure problemas de compatibilitate con previe applicationes 
software, come Corel Draw, Macromedia Dreamweaver & Flash, Nero Burning 
ROM, AutoCAD, etc. o developpate con Visual Studio 6. In addition, le 
sol version de Windows Vista que supporta le nove chips con plus 
processores ("dual core") costa plus de 600 € e es totalmente 
disproportionate pro le commun portabiles ("laptops"), que ha le chip 
"dual core" ma costa circa 600 €.
Iste considerationes es general, tanto que anque duo agentias federal de 
S.U.A., le Instituto National del Standards e Technologia (NIST) e le 
Departimento del Transporto (DOT) prohibiva a su empleatos de installar 
Windows Vista in le computatores usate pro labor.
Quia anque Windows XP, con le ultime pecias, deveniva multo lente e 
instabile, io consilia le amicos de Interlingua de installar sur lor 
computator Linux, con Wine o altere software de virtualisation pro usar 
le vetule applicationes Windows (ma ille native Linux es generalmente 
melior!). Si vos non vole cancellar Windows, le distribution Linux le 
plus compatibile con Windows es openSuSE 10.2. Si pois vos volera taliar 
le pontes con le passate, Ubuntu o Kubuntu (duo versiones del mesmo 
systema operative que differe solmente in le gerente de fenestras) es le 
solution plus utilisate.
Io non mentiona Mac OS X (un Linux modificate) quia io non ha 
informationes de prime mano, ma io opina que anque iste es un bon solution.

Le Oculo Interlinguistic - section infortmatic

--
Archivos e disabonar: http://listserv.icors.org/archives/INTERLNG.html