Car Erik!

Io prefere le no. 6, que symbolisa un ponte. E interlingua pote ser un ponte
inter nos, inter nostre different culturas, etc.

Io nullemente prefere ulle symbolo (1 a,b,c,d; 4; 5) que ha stellas in se,
que serea un univoc referentia al Union Europee. Interlingua debe exister,
funger anque extra le UE, pro tote le Europa. Ma illo debe funger mesmo
anque extra Europa, pois que illo poterea ser un PONTE inter le continentes,
un ponte, que collige tote le populos con linguas occidental - i.e. anglese,
espaniol, portugese, francese, italiano - in le Americas e Australia, etc.
pois que iste linguas representa le plus le hereditage del latino classic
(con parolas de origine grec), que es le plus international vocabulario in
le mundo, que es le plus commun tresor in le mundo.

Dunque primarimente io prefere le symbolo del ponte; secundarimente omne le
logos poterea ser bon, excepte le variantes del no. 1, 4, e 5 pro le causa
mentionate; e con le exception del no.-s 7, 10, 11, 14, 15, proque illos es
difficilemente reproducibile; illos ha detalios multo precise a lo que on
face un exemplar proprie in casa manualmente, etc. de illos.

Péter Kovács

--
Pro disabonar te: http://listserv.icors.org/archives/INTERLNG.html