DUO EXCURSIONES DURANTE LE CONFERENTIA

Duo excursiones essera parte del programma pro le conferentia 
international de interlingua in Svedia le 16-22 de julio. Le comité 
organisatori actualmente essaya fixar le detalios del routes. Il ha 
devenite un tradition haber un excursion de un integre die e un altere 
de un medie die durante le septimana del conferentia. Ci on vide le 
vicinitate, e le excursiones da sempre le optime possibilitates de 
conversar super toto - super le themas professional e super tote altere 
cosas ma sempre in interlingua.

Le excursion del integre die vadera a Göteborg, ubi un guida va circular 
con le conferentia, que anque visitara le Museo de Cultura Mundial, 
videra le urbe de un nave de tourismo e habera tempore pro un promenada 
libere. Durante le excursion de un medie die, on pote visitar le 
fortalessa de Varberg que es si ric de historia interessante o le 
reserva de aves a Getterön, un del locationes le plus importante in 
Svedia pro aves de areas del mar.

Visita le section conferential a www.interlingua.com e inscribe te e tu 
familia hodie (remane solmente 14 dies ante le clausura). Ci va esser 
presentate informationes touristic super le excursiones - ricamente 
illustrate.