Stanley Mulaik scribeva:
> ILLA VILLA DE ILLAS BESTIAS
> 	Un reconstruction de protoromance parlate in Roma in circa 50 c.e.
> per Robert Hall e su studentes. Del edition de april - junio 1960 de
> _Language_.
Gratias Stan, pro informationes assi interessante. Esque il es possibile 
cognoscer per qual rationamento prof. Hall perveniva a iste conclusion? 
In re le evolution del latino parlate io succedeva solmente in reperir 
phrases laxe, numquam un rationamento complete con referentias precise.
> ............“(1) Proto-Romance non debe equar se con ‘latino vulgar’.
>   
Secun mi studios, in omne region extra-Latio originava un particular 
"InterLatino" (commixtion inter Latino vulgar e lingua original de ille 
region), cuje derivava col tempore un particular proto-romance. Io pote 
facer plure exemplos de iste phenomeno, probabilemente similar a illo 
del PIE.
> ..................................................
>   
> “(3) Il habeva necun profunde ‘golfo', sociolinguisticamente, inter
> latino classic, como conservate pro nos in obras litterari, e le
> parola quotidian. Plus tosto, il habeva, como in paises moderne con un
> altemente disveloppate tradition litterari e puristic (p.e. le Francia,
> Italia), un continuo, extendente se del plus complexe e artificial
> stilo oratori e poetic a un fin, al plus basse nivello de vermente
> ‘vulgar parola’ al altere. Il habeva alcun divisiones dialetic in
> Latin que nos sape, e indubitemente multe alteros de que tote
> registration ha essite perdite.”
>   
Iste question esseva debattite plure vices, ma sin un conclusion 
definitive. Dum le idea del "continuum" latin es rationabile, del altere 
latere il sembla pauc probabile que Cicero in su domo parlava como in su 
textos.

Valete omnes

--
robocap

--
Archivos e disabonar: http://listserv.icors.org/archives/INTERLNG.html