Car totes,

hodie matino, io pensava a un altere requisito/requirimento que pote
esser utile al dictionario etymologic de interlingua: io crede que
nos besonia equalmente de un mechanismo pro evidentiar TOTE le serie
derivational cuje le termino selectionate appertine.

Isto simplificara tamben le trovada de "filios illegittime" o
"entratas zombie"[1] e facera enormemente plus facile le
"debugging"[2] de nostre vocabulario :P, rendente per contra plus
simplice le memorisation passive del totalitate del serie
derivational con le affixos.

Que vos pensa?

Pro Antonielly: io crede que isto serea facilemente e simplemente
realizabile con un punctator al radice basic de un serie
derivational, assi que isto renderea possibile le "navigation" del
vocabulario per radices tamben.

In ultra, ben que io non lo crede linguisticamente multo possibile,
in vostre opinion pote esser utile mantener le concepto de
duplice/multiple filiation de un termino? In altere parolas, il es
conveniente disponer le cosas assi que un termino pote esser filio
de duo familias derivational?
Io pensava a familias derivational rumpite/rupte mais relationate
e/o a casos in le qual il ha plure theorias non demonstrabile...

Salutationes cordial a totes

vostre Giovanni

[1] Analogia a un concepto de systemas operative :P
    http://it.wikipedia.org/wiki/Init#Processi_zombie

[2] en:debugging, de:Debugging, es:depuración, fr:débogage,
    it:debugging, pt:depuração,

--
Archivos e disabonar: http://listserv.icors.org/archives/INTERLNG.html