Car amicos, in su message Chamavian pone nos de fronte al question
central, desde le tempores de Tchernitchesky: "Que facer?"

Mesmo si io es probabilmente le persona minus intitulate pro facer
propositiones, io observa que le strata jam interprendite per Josu
Lavin, Petro Ferrero, Mardy et alteres, le strata que pro brevitate io
appellera "de Interrete", es securmente uno del pecias del solution,
forsan le plus importante. In iste area io pote contribuer - io spera -
validemente.

Anque le grande labor de Piet Cleij (completamento e actualisation del
"corpus" lexical de IA) es importante e illo debe esser reinfortiate e
disveloppate. In iste area io pote contribuer solmente in re
instrumentos informatic.

Ma il ha un multo importante area que - io opina - non esseva
disveloppate assatis usque hodie: illo del politica e del institutiones
supernational. In le mundo esperantista le thema del defensa del linguas
minoritari e del necessitate de utilisar un lingua non-national a
nivello international incontrava desde alcun anno le attention de
qualque partito lib-lab, al minus in Europa, e alcun proposition esseva
avantiate in re le problema del 25 linguas "official".
In iste area mi contribution es nulle, quia io non ha le conjunctiones
juste.

Cordial salutationes,
robocap

--
Archivos e disabonar: http://listserv.icors.org/archives/INTERLNG.html