Carissime amicos,
le problema con la concordantia del vocabulo corage con le prototypo latin
corde deriva del facto que la parola 'corage' nasceva non in le latino classic
ma in le latino vulgar o popular.
Le significato de corage era expresse in latino per virtus (ia virtute) ab le
parola vir (homine) que initialmente indicava "hoc que face un homine un ver
homine". Del mesme radice vir- veni anque ia 'viro', 'viril', 'virilitate' etc...
Iste parola era rapite per le christianos, qui cambiava su significato in le basse
latino o in le medievo. Un altere circumlocution latin exprimente le mesme
concepto era "magnus animus" (ia magne animo),que existe anque in
intelingua como 'magnanime'.
Essente divenite sin "corage" le romanico medieval, o forsan etiam le basse
latino, recurreva al creation de un nove parola basate sur un probabile basse
latin *coraticum (letteralmente: pertinente al corde) que eventualmente se
contraheva in un prototypo protoromanic de *coragio. Iste parola sembla de
esser formate sur le nominative latin 'cor' in vice del plus normal
ablativo 'corde', que habeva jam generate parolas latin como cordial,
cordialitate, etc...
Le precursor de tote isto era le Proto Indo-Europee (o PIE) *kerd-, del qual
veniva le latin 'cor, -dis', le grec 'kardia' e le proto-germanic 'herton'.
Note que le regional 'core' existe ancora in le italiano colloquial (in le citate de
Roma, pro exemplo) e in poesia, ubi on pote trovar anque le original 'cor'.
Io suggere que le parola 'cor', un latinismo que entrava tote quatro/cinque
linguas frontal, poterea esser un bon synonymo pro corde, sin rumper le familia
derivational.
I.E. cor==> corage, cordial, corde, etc...
http://etimo.it/?term=cuore&find=Cerca
http://etimo.it/?term=coraggio&find=Cerca
http://www.etymonline.com/index.php?term=core
http://www.etymonline.com/index.php?term=courage
http://www.bartleby.com/61/60/C0696000.html
http://www.bartleby.com/61/roots/IE225.html
http://buscon.rae.es/draeI/SrvltConsulta?TIPO_BUS=3&LEMA=corason
http://www.demauroparavia.it/27781
http://www.demauroparavia.it/29764
http://www.garzantilinguistica.it/interna_ita.html?
sinonimi=0&exact=true&parola=19695
http://www.garzantilinguistica.it/interna_ita.html?
sinonimi=0&exact=true&parola=18405
Le ultime duo ligamines es multo longe e vos necessita ambe lineas.
Salutes amical e bon parolas a vos,
Bruno
--
Archivos e disabonar: http://listserv.icors.org/archives/INTERLNG.html
|
