Messages    Messages Help  
  Message #   Search:    Advanced Start Topic  
A qui... + altere pensatas   Message List    

Reply | Forward | Delete   Message #11436 of 11437 < Prev | Next >  

[collateralista] Re: A qui... + altere pensatas 


--- In [log in to unmask], "cleij" <cleij@...>
wrote:
>
> Car amicos,
>
> Io ha scribite que interlingua es un lingua que se basa
> IN PRIME LOCO (dunque non solo) super le latino classic.
>
> Dinis se oppone a mi opinion, scribente que le base de
> interlingua es super toto le linguas romance, le linguas que
> descende del latino vulgar, le latino parlate in plure dialectos.
>
> Ecce nostre differentia de opinion!
>
> Dinis presenta un serie de exemplos de parolas de interlingua
> que non ha lor origine in le latino classic. Il non es difficile
> pro cata un de nos de extender iste lista con multe altere parolas.
> On pote demandar se si per iste demonstration Dinis ha
> monstrate que ille ha ration?
>
> Constatante que le resultato del application del "regula de
> tres" produce un grande numero de parolas del specie del
> lista de Dinis, on poterea pensar que iste facto es sufficiente
> pro corroborar le assertion de Dinis.
>
> Ma io crede que iste conclusion es un conclusion troppo hastive,
> nam illo tene nulle conto de un facto extrememente importante.
> Iste facto es que le grandissime majoritate del vocabulos de
> interlingua (plure centos de milles de vocabulos*) se compone de
> vocabulos que depost le 12e/13e seculo usque a hodie le
> intellectuales del mundo occidental ha create SUPER LE BASE
> DEL LATINO CLASSIC E DEL GRECO CLASSIC.
> Io pensa hic a vocabulos como "hybride, hybridar, hybridation,
> hypotension, hyposecretion, hypostatic, graphologia (Gr. graphein),
> psychographia, psychogramma (Gr. gramma), pseudoclassic,
> anticlericalismo, telephono (grec), television (medie grec, medie
latino),
> etc., etc., etc......................milles e milles e milles.!
> Quasi tote le terminologia del medicina, del biologia, del chimia,
etc.
> consiste de iste sorta de vocabulos de origine latino e greco
CLASSIC.

Piet,

Se deberea (re-)memorar que mesme iste vocabulos culte son parolas
extracte directemente de le linguas anglo-romance per le
methodologia de [IA] (o sia que illos se trova in interlingua a
causa de lor presentia in le Romania. Illos son un creation lexic
principalmente medieval e principalmente de un segmento de le
population anglo-romanic. Illos absolutemente NON formava parte del
lexico grecolatino classic como insiste Martijn!. De facto, le vaste
majoritate de illos son absente de iste periodo de disveloppamento
del idioma!

Quando on discute le classifiation typologic de un lingua, on non
prende in conto le cultismos compartite/condividite a transverso de
le barrieras linguistic (Cognitive Acadenic Terminoloy) sinon le
vocabulario basic.

Il es a isto que io me refere et isse vocabulario marca interlingua
como un lingua lexicamente romanic.

Dinis

--
Archivos e disabonar: http://listserv.icors.org/archives/INTERLNG.html