Maddi,
   Io pensa que le idea de dar adherentes al movimento de interlingua
un directorio de adresses, e-posta, etc. es exellente.  Mais io
vole dar mi experientia de un problema que debe esser solvite ante
que on lo face.

   Como Presidente del Societate American pro Interlingua, io ha
notate que nos ha problemas de organizar reuniones.  Un reunion
national non semblava possibile, proque tote de nos es dispergite
como es London a Moscova, e necuno vole viagiar a tal distantias
pro un conferentia.  Mais io ha equalmente notate que in California
il ha un 'concentration' de circa 15-20 interlinguaistas.  Assi
io ha collectionate lor nomines e adresses in mi base de datos de
adresses e ha inviate lo a tote de illes in California.  Tosto
io ha recipite un littera de un de illes, totemente irate: ille
me accusava de destruer su vita private per publicar su nomine
e adresse.

   A SAI nos ora require cata membro qui nos junge a indicar
si o non illes vole que nos usa lor nomines in un directorio
de adresses de membros.  Pauco ha dicite 'si'.

   Io crede que tu e le organization de UMI debe inviar un
littera al membros con iste mesme question ante que tu publica
lor nomines e adresses.  Ha il non nove leges in Europa
pro proteger le vita private de individuos?

Stan


Stan Mulaik

--
Archivos e disabonar: http://listserv.icors.org/archives/INTERLNG.html