--- In [log in to unmask], Allan Kiviaho <allankiviaho@...>
wrote:
>
> d[081012] x[Kiviaho Allan] z[KivA-HCBmh]
> s[Josu Lavin e associationes basc e nord-american]
>
> INTERLNG@...
>
> Usa le fonte Courier new 10, per favor!
>
> Estimate interlinguistadores!

Car Allan,

non: interlinguistaTORES con T?
io comprende ben que tu vole facer un association
con "conquestadores" ma isto es espaniol, nonne?


>
> Justo como information: Il pare que io rapidemente
> convalesce me de mi operation cardiac. Mi condition es
> hodie, un mense e 4 dies post le operation jam multo
> bon. In decembre va occurrer le post-controlo in le
> hospital de mi citate Vantaa.

Illo es multo bon, sia felicitate

>
> Totevia, benque io ha etiam durante mi maladia
> observate le correspondentia re interlingua, io ha
> ancora 600-700 messages nonlegite. Assi, mi
> activitates pro interlingua va esser un pauc passive
> ancora durante alicun septimanas - e non oblida le
> catastropho financial in le mundo ...!

Io non vole pensar a lo troppo...


>
> ---------------------------------------------------------------
> Lavin Josu 081010: Josu Lavin va scriber solmente in
> Interlingua.
> - - - - - - - - - - - - - - - - - - - - - - - - - - - - - - - -
> Chamavian Ingmar 081011:
> Esque tu non plus scribera in Romanica, o tu vole dicer que tu
> va scriber solmente in Interlingua CI? [*1*]
> ------------------------------------------------------|--------
>
> Ingmar!
>
> Lege, per favor, le statutos del UMI in interlingua e
> finnese in http://www.interlingua.fi/umistaif.htm
> . . o solmente in interlingua in
> http://www.interlingua.com/statutos
>
> / / / / / / / / / / / / / / / / / / / / / / / / / / / / / / / /
> 2. Scopos
>
> Le scopos principal del UMI es:
>
> • coordinar le effortios pro promover le cognoscentia e
> utilisation practic de interlingua, le lingua international
> publicate in 1951 per le International Auxiliary Language
> Association (IALA) in le duo obras fundamental
> "Interlingua-English Dictionary" e le "Interlingua Grammar",
> assi como illo se manifesta in le litteratura e publicationes
> urante le practica desde 1951.
> • laborar activemente pro mantener un standard alte de
> interlingua.
> • initiar, incoragiar e supportar le fundation de associationes
> national pro interlingua.
> • representar interlingua ante e in foros international.
>
> Subscopos concrete e practic:
>
> • mantener le presentia del UMI in Internet.
> • publicar regularmente un magazin official in interlingua
> destinate a un publico mundial.
> • arrangiar, in collaboration con associationes national pro
> interlingua, conferentias pro presentar interlingua in action e
> offerer occasiones de discussion interne.
> • supportar le effortios pro publication e mediation de
> litteratura in interlingua.
>
> 3. Membros
>
> Solmente associationes national pro interlingua con scopo
> conforme al scopos del UMI pote esser membros. Le Consilio
> General fixa le conditiones e le procedura concernente membrato.
>
> Personas individual, specialmente in paises ubi il non ha un
> association national pro interlingua affiliate al UMI, pote
> esser membros de un Section International del UMI, establite
> e administrate per le Consilio Executive, si illes accepta le
> tatutos del UMI. Iste section functiona exactemente como si
> illo esseva un association national pro interlingua.
> \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \


Legite


>
> [*1*] Como on pote leger in le Statutos, le UMI
> promove solmente le interlingua del IALA e ruga le
> fronte a altere pan-linguas. Josu longe faceva
> propaganda pro su "romanica" que resultava a
> consequentia que ille era ostracisate ex le
> cosa nostre, le movimento pro interlingua.

Io non sapeva

> Mesmo io
> era pro iste ostracismo, proque io opina que Europa,
> America romanic

...solmente America romanic (latin) o anque America anglophon?

> e altere partes in le mundo ubi
> nostre legato, le civilisation greco-roman, prevale,
> necessita un SINGULE lingua commun PRO COSAS PRACTIC
> (meticulosemente protegente linguas national e
> regional in communication non-international).
>
> Nos non necessita tal linguas clanic como panromanic,
> pangermanic, panslavic, panturc, panfennougric. Nos
> debe concentrar nos pro laborar pro un singule lingua,
> interlingua!

si, pro nos, interlinguistas, illo es ver naturalmente.
ma io trovarea un lingua panfennougric multo interessante,
benque io non crede que illo poteva esser facer proque le
linguas individual como finnese, hungaro, sami, mari etc son
troppo diverse, multo differente que p.e. le linguas romance.
ma io vole dicer interessante solmente de senso linguistic

>
> Effortios como romanica ha facte innumerabile, como
> presentate e.g. in un libro multo interessante:
> :: F.P.Gopsill
> :: International Languages
> :: - a matter for interlingua
> :: British Interlingua Society 1990
> :: Printed by Servicio de Libros UMI
> :: 282 paginas. ISBN 0-9511695-6-4
>
> Pro su grande servicios pro interlingua le ostracismo
> de Josu Lavin es cancellate. Si ille continua laborar
> e propagar pro romanica in altere foros quam illos de
> UMI, le cosa nostre ha nihil a remponstrar.
>
> ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! !
> Iste opiniones son private mie, sin ulle autoritate
> official.
> ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! !
>
> ---------------------------------------------------------------
> Chamavian Ingmar 081011:
> Qual connection il ha inter le facto que le UMI non sembla
> interessate in (te como presidente de) un Union /Societate Basc
> pro ia, e tu membrato del Societate American pro ia?
>   Tu vole dicer: quando vos (le UMI) non da me que cosa io
> vole, io non vole plus restar con vos? [*2*]
>   Esque isto non es un poco infantile, car Josu? Proque tu non
> essaya devenir presidente de un Union Espaniol o Iberic pro ia,
> in loco de solmente pro le Pais Basc? [*3*]. Le Pais Basc non
> es in America, o...
> ------------------------------------------------------|--------
>
> [*2*] Ingmar, io suppone que tu non es un europeo.

Io sape que Chamavia non es un pais offiial in Europa, ma illo
es un parte del Pais Basse e de Germania, alora...
Io es neerlandese

> Omne europeos sape que le bascos son un populo qui
> habita principalmente in le Regno de Espania del nord
> e in le Republica de Francia del sud. Le bascos son un
> de nationes europee que non ha un stato proprie. Un
> flanco radical de bascos ("combattentes del libertate"
> pro bascos, "terroristas" pro castilianos) ha longe
> conducte un resistantia armate contra le governamento
> in Madrid.

Si, io sape ben le Bascos, le ETA etc.

> Pro iste schisma Espania non ha
> recognoscite le independentia de Kosova (cuje
> architecto principal era sr Martti Ahtisaari,

io sapeva su nomine, e ille era in le jornal ci iste septimana
con su premio de Nobel

> ex-presidente finlandese, qui recipeva ante alicun
> dies le premio de Nobel pro pace) - le governamento
> espaniol es allergic contra movimentos separatista.
>
> [*3*] Si on vide le penultime pagina del "Panorama",
> on remarca que le representante de interlingua in
> Espania es
> :: Luis Garcia Dopico
> :: Pio XII, 17, 2D, E-33013 Oviedo. Espania
> :: ePosta: lgdopico@...
>
> Totevia, io durante mi 12,5 annos como interlinguista
> ha nunquam vidite ulle activitates del organisation
> official (?) espaniol.
>
> Sed le Universitate de Granada ha essite multo active,
> illo ha i.a. publicate le Constitution Europee in
> interlingua e alicun personas ex iste universitate
> ha participate in alicun conferentias international
> (o nordic) de interlingua. Sed io non sape si le
> Universitate de Granada es interessate de activitates
> general pro interlingua in Espania.
> http://www.interlingua.fi/ceiafil/unigrana.htm
>
> Io time que le UMI non pote prender position in le
> politica internal del Regno de Espania. Politica sape
> benque minus heroic ...
>
> ******************************************************
> Sed nota ben le texto sequente in le Statutos del UMI!
> ******************************************************
>
> 3. Membros
>
> Solmente associationes national pro interlingua con scopo
> conforme al scopos del UMI pote esser membros. Le Consilio
> General fixa le conditiones e le procedura concernente
> membrato.
>
> Personas individual, specialmente in paises ubi il non ha un
> association national pro interlingua affiliate al UMI, pote
> esser membros de un Section International del UMI [*4*],
> establite e  administrate per le Consilio Executive, si illes
> accepta le statutos del UMI. Iste section functiona
> exactemente como si  illo esseva un association national pro
> interlingua.
>
> ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ?
> [*4*] Proque Josu Lavin non poterea esser un membro del UMI
> como membro del Section International del UMI?
> ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ? ?
>
> - - -
>
> Forsan le UMI deberea essayar a establir un
> association central pro interlingua in Madrid o
> alterubi in Castilia, cuje submembros poterea esser le
> associationes in Basco, Catalonia, Galicia ...

o in Barcelona, forsan le acceptation serea major inter le
minoritates in Espania? Ma il es clar que Josu es solmente
interessate in un organisation IA pro le Pais Basc, non uno iberic

>
> ---------------------------------------------------------------
> Mulaik Stanley 081011: Io non sape lo que occurre inter Josu
> Lavin e UMI. Le Societate American pro Interlingua (SAI) non ha
> un politica contra individuos jungente se a SAI a partir de
> paises foras Nord e Central America. Io suppone que Josu Lavin
> remane un membro de UMI e va reciper Panorama de illo. Ille va
> reciper Confluentes, nostre periodico circular per esser un
> membro de SAI.
> ------------------------------------------------------|--------
>
> De facto, iste association non representa AMERICA, sed
> "solmente" Le Statos Unite de America del Nord, nonne?
> O an Mexico e le parve paises in America Central son
> etiam membros del SAI?
>
> Totevia, io non vide ulle problemas in le membrato de
> Josu Lavin in le SAI.

No, naturalmente non, io solmente demandava le proque ille
voleva lo, proque illo me sembla un reaction a alco que le UMI
(non) faceva.


>
> ---------------------------------------------------------------
> Lavin Josu 081011: Io crede haber legite in le statutos del SAI
> alique como: "acceptara membros, qui habita extra America del
> Nord, si un organization independente regional o national non
> jam ha essite establite in ille region."
> ------------------------------------------------------|--------
>
> Si si, le Statos Unite ha offerite asylo a
> innumerabile personas qui ha essite persequite i.a. in
> Europa ...
>
> ---------------------------------------------------------------
> Lavin Josu 081011: Le actual Secretario General del UMI pertine
> al Societate Norvegian pro Interlingua, malgrado ille es
> germano.
> ------------------------------------------------------|--------
>
> Io es multo contente que le secretario general del UMI
> es un germano, Germania es ja con clar marginal le
> plus potente pais in le Union Europee.
>
> ---------------------------------------------------------------
> Chamavian Ingmar 081012: Multo clar, ma non te preoccupe
> troppo, il non es un caso de vita e morte, car Josu...
> ------------------------------------------------------|--------
>
> Io pensa que un persona qui es tanto devote a e labora
> tanto multo pro interlingua, ha derecto facer su
> position clarmente definite in le carta astral de
> interlingua!

OK, tu ha ration. Josu ha facite vermente multo pro IA e ille
es un interlinguista multo importante.



>
> - - -
>
> Salutante
>
> aLLan KIViaHO
> Presidente del
> Suomen Interlinguayhdistys r.y. (SILY)
> Föreningen för Interlingua i Finland r.f. (FILF)
> Association Finlandese pro Interlingua a.r. (AFIL)
>
> SILY es un association legalmente registrate in
> Finlandia (le sol association del mundo de interlingua
> legalmente/officialmente registrate, salvo le UMI
> ipse?)
>
> --
> Archivos e disabonar:
http://listserv.icors.org/archives/INTERLNG.html
>

--
Archivos e disabonar: http://listserv.icors.org/archives/INTERLNG.html