Car amicos, io vide con gaudio que mi parve provocation in re le
substitution del particulas latin con le anglese suscitava qualque reaction.

Ma (sed...) io voleva punctar a un thema multo plus ample, e urgente.
Hodie io ascoltava prof. Romano Prodi qui presentava su ultime libro in
re Union Europee. Ille initiava con dar qualque numero: China, 1,5
milliardos; India, plus de 1 milliardo; Europa e America (nord e sud),
plus de 1 milliardo de personas qui ha plure affinitates de cultura e
tradition. Il semblarea un historia jam scribite, ma...

Le divisiones inter nostre Paises, e le ridicule pretensiones de qualque
politico de "jocar al mesme nivello" sur le quadrante international
faceva de Europa un Gulliver economic e un Lilliput politic, e anque le
S.U.A. initia ora a comprender que "non es plus sol". Ma, al minus, SUA
ha un governamento e un lingua commun e es un Pais plus compacte de
China e India.

Similmente, in le Renascentia, Italia esseva le nation plus progredite e
ric in plure campos, ma essente divise dispareva in pauc tempore ab le
papiros geographic.

Secun le prof. Prodi, le papiro de tornasol del males europee esseva le
absurde mechanismo del electiones europee, ubi cata omne Pais gere le
evento internemente con su partitos national, como un inutile appendice
al electiones national. Assi typicamente in le electiones europee nemo
parla de Europa ma sol de altercationes local. Si le citatanos europee
vole evitar grande difficultates in le proxime annos, debe requirer ver
electiones europee, con ver partitos europee e un ver Parlamento e
Governamento europee. Mesme discurso in re le unanimitate in le Consilio
de Europa. Con le unanimitate non es possibile governar mesmo un
condominium (proprietate juncte). A partir de ora, il debe esser clar
que le Club Europa es un club ubi on pote entrar ma anque sortir fora.
Si in le referendum irlandese o hollandese o francese esseva clar que,
vincente le "no", le Pais sortiva fora de UE, nos habeva un mar de "si".

Usque a ci le Prof. Prodi. Io adjunge que nos besonia de un lingua
commun non national que deveni LE SOL LINGUA OFFICIAL DEL UE. Io opina
que vos imaginara que lingua io intende... Isto es le ration quia io
volerea replicar le methodo Gode actualisante lo: quando le uso de IA se
diffundera, le parlantes imponera le regulas.

VALETE OMNES

robocap

--
Archivos e disabonar: http://listserv.icors.org/archives/INTERLNG.html