Car amicos,

Nos pote vider in le lista de participios:

seder                                                           sedite
sesse

Le verbo SEDER in latino era SEDERE e su participio passate/perfecte era:

sessus -a -um

Ab le qual on ha attingite le participio perfecte irregular SESSE in
interlingua.

In SESSE nos ha SESS, isto es, le secunde radice del verbo SEDER.

Le -E final de SESSE es un suffixo in interlingua que servi a formar le
participio, como totes sape.

Nos ha un derivate del secunde radice del verbo SEDER que es SESSION. Illo
es le resultate de unir le secunde radice SESS con le sufixo ION:

SESS- + -ION

Isto es lo que explica Gode e lo que explica Ingvar, le quales se limita a
inseniar e non a fatigar le personas con stupiditates repetitive.

SESSION non veni de SESSE + ION, ma de SESS + ION como qualcunque infante
poterea dicer lo.

Ma SESSION non ha relation con le participio? Si.

In latino (non in interlingua) si tu prende le participio del verbo SEDERE
que es:

SESSUS (masculin)
SESSA (feminin)
SESSUM (neutre)

 e tu elimina le suffixos US, A, UM alora tu attinge le secunde radice del
verbo, i.e. SESS al qual on adde le suffixo ION.

In interlingua es multo practic apprender le lista del participios irregular
(illes qui ha un scopo autoinstructive, non illes qui solmente vole
communicar de un maniera facile e simple), ma on non debe oblidar que in
SESSE (=sedite) le -E final es un suffixo, que debe esser substituite per un
altere suffixo, in iste caso ION pro attinger un substantivo.

Assi es lo cosas.

Vole vos apprender ben Interlingua?

Usa le IED e le GI!

Duo textos a respectar que Stan non respecta!

Imbracios amical

Josu Lavin

--
Archivos e disabonar: http://listserv.icors.org/archives/INTERLNG.html