At 05:36 +0200 14-08-2008, Lars Rosenmeier wrote:
>Forsan le responsa ha plus a facer con psychologia de gruppos que con
>interlinguistica. Io audi de plus in plus argumentos como "nos" e "illes" -
>ubi "nos" es le interlinguistas europee qui assiste a conferentias e
>respecta le autoritate del veteranos europee, e "illes" es le estranieros
>que non nos place!

Le nationalitate de Stanley Mulaik me es irrelevante e ha
absolutemente nihil a facer con mi criticas contra ille. Lo que io
vole criticar es ... ben, lege mi message adressate a ille, que
venira tosto post iste.

>Pro me iste maniera de pensar es completemente estranier, ma io anque non
>jammais ha amate gruppos.

Crede me o non, como solitario bastante extreme, io detesta in
general le dynamica del gruppos tanto como te, si non plus.

Ma io comprende equalmente que le disveloppamento natural de un
lingua es in fundo un processo que occurre in le gruppo de su
parlatores. E le parlatores de un lingua vivente, mesmo le
solitarios, sole identificar se con lor lingua... nonne?

Al minus io ha comenciate a facer lo, in certe grado, con
interlingua. E io vole que interlingua arriva finalmente a haber
alcun successos, a crescer un poco... ma io vide hic un situation,
causate primarimente per Mulaik e su imitatores, que dissuade quasi
tote le nove interessatos seriose que discoperi interlingua per iste
foro. Etiam isto es un dynamica de gruppo.

Como reagerea tu si alcuno adoptava un attitude de autoritate super
le danese e insisteva super reformar lo radicalmente?

Amicalmente,

- Martijn

--
Archivos e disabonar: http://listserv.icors.org/archives/INTERLNG.html